ગોપાલ કાંડા પર અપ્રાકૃતિક સેક્સનો આરોપ
અદાલતે કહ્યું કે કાંડા વિરુદ્ધ પ્રથમ દૃષ્ટિએ આઇટી કાયદા અને આઇપીસી હેઠળ બળાત્કાર, અપ્રાકૃતિક યૌન શોષણ, આત્મહત્યા કરવા પ્રેરવુ, ષડયંત્ર રચવુ અને છેતરપિંડી કરવા સહિતના મામલા બને છે. જો કે, પોલીસે પોતાની ચાર્જશીટમાં કાંડા વિરુદ્ધ બળાત્કાર અને પ્રાકૃતિક સેક્સના આરોપ લગાવ્યા નહોતા, પરંતુ કોર્ટે જાતે જ આ બન્ને આરોપોને જોડી દીધા છે.
નોંધનીય છે કે હવે નિષ્ક્રિય થઇ ચૂકેલી એમડીએલઆર એરલાઇન્સમાં કામ કરતી 23 વર્ષીય એર હોસ્ટેસ ગીતિકા શર્માએ પાંચ ઓગસ્ટ 2012ના રોજ પોતાના ઘરે પંખા સાથે લટકાઇને આત્મહત્યા કરી હતી. તેણે પોતાની સુસાઇડ નોટમાં કાંડા અને તેની કંપનીમાં કામ કરનારા અન્ય એક કર્મચારી અરૂણા ચઢ્ઢાને તેના માટે જવાબદાર ઠેરવ્યા હતા. ત્યારબાદ કાંડાએ ગૃહરાજ્યમંત્રી પદ પરથી રાજીનામું આપવું પડ્યું હતું, ગીતિકાને આત્મહત્યા કરવા માટે ઉશ્કેરવા બદલ કાંડાની 18 ઓગસ્ટના રોજ ધરપકડ કરવામાં આવી હતી.
એર હોસ્ટેસ ગીતિકા શર્માની માતા અનુરાધા શર્માએ પણ આ વર્ષે ફેબ્રુઆરીમાં આત્મહત્યા કરી હતી. પોલીસે આ કેસમાં હરિયાણાના પૂર્વ ગૃહરાજ્યમંત્રી ગોપાલ કાંડા અને એમડીએલઆર કંપનીના એચઆર હેડ અરુણા ચઢ્ઢા વિરુદ્ધ મામલો દાખલ કર્યો છે. પોલીસે બન્ને પર આઇપીસી ધારા 306 હેઠળ મામલો દાખલ કર્યો છે.