દિલ્હીમાં સરકાર નહીં બનતા સુપ્રીમની મોદી સરકારને ફટકાર
આ પહેલા સૂત્રોએ જણાવ્યું હતું કે દિલ્હીના ઉપ-રાજ્યપાલ નજીભ જંગ સૌથી મોટી પાર્ટી ભાજપને સરકાર બનાવવાનો પ્રસ્તાવ આપી શકે છે. રાષ્ટ્રપતિ પ્રણવ મુખર્જીએ ઉપ-રાજ્યપાલની તે ભલામણ મંજૂર કરી લીધી છે, જેમાં તેમણે સૌથી મોટી પાર્ટી હોવાના કારણે ભાજપને દિલ્હીમાં સરકાર બનાવવાની તક આપવાની વાત કરી હતી.
અત્રે નોંધીય છે કે ફેબ્રુઆરીમાં અરવિંદ કેજરીવાલના રાજીનામા બાદથી દિલ્હીમાં રાષ્ટ્રપતિ શાસન લાગુ છે. આની વચ્ચે આમ આદમી પાર્ટીના નેતા મનીષ સિસોદિયાએ જણાવ્યું કે ભાજપ ચૂંટણીથી ડરી રહ્યા છે અને તેમની પાસે આંકડા નથી. તેમણે જણાવ્યું કે ભાજપ પહેલા ઇનકાર કરી ચૂકી છે તો હવે તેને સરકાર બનાવવાનું નિમંત્રણ કેવી મળી શકે.
અપક્ષ ધારાસભ્ય રામબીર શૌકીને જણાવ્યું કે સૌથી વધારે ધારાસભ્ય ધરાવતી ભાજપને સરકાર બનાવવા માટે વધુ એક તક મળવી જોઇએ.. હું છું,,, બિન્નીજી છે અને લગભગ શોએબ ઇકબાલ સમર્થન આપીશું તો સરકાર બની જશે.