• search
For Quick Alerts
ALLOW NOTIFICATIONS  
For Daily Alerts

દિલ્હી ગેંગ રેપ : 3 જાન્યુઆરીએ ભારતમાં બ્લેક ડે જાહેર

|

નવી દિલ્હી, 1 જાન્યુઆરી : ભારતમાં વિવિધ સ્થળોએ દૈનિક ધોરણે થતા રહેતા મહિલાઓ સામે થતા શારીરિક અને માનસિક અત્યાચારો સામે દેશનું માથું શરમથી ઝુકી ગયું છે. મહિલાઓ સામેના ગુનામાં થયેલા વધારાએ ભયાનક દહેશતનો માહોલ ઉભો કર્યો છે. રાજધાની દિલ્હીમાં મેડિકલની એક વિદ્યાર્થિની પર ચાલુ બસે કરવામાં આવેલા ગેંગ રેપની સામે દેશમાં જાગૃત નાગરિકોએ "enough is enough", "બસ હવે બહુ થયું"નો નારો પોકાર્યો છે. આ સાથે તેઓ મહિલાઓ સામેના શોષણ અને અત્યાચારના વિરોધમાં રસ્તાઓ પર આવી ગયા છે.

છેલ્લા બે સપ્તાહથી સળંગ દિલ્હીમાં આ મુદ્દે વિરોધ પ્રદર્શનો થઇ રહ્યા છે. આ વિરોધને ટાળવા અને ટળે નહીં તો દબાવવા માટે દિલ્હી સરકારે તમામ પ્રકારના પગલાં લીધા છે. હવે પ્રદર્શનકારીઓ જ્યાં સુધી યોગ્ય ન્યાય મળે નહીં ત્યાં સુધી હથિયાર હેઠા નહીં મૂકવાના આક્રમક મિજાજમાં છે. આ વિરોધને આગળ વધારતા હવે આગામી 3 જાન્યુઆરી, 2013ના દિવસને ભારતભરમાં કાળો દિવસ તરીકે મનાવવાની અપીલ કરવાનો નિર્ણય લેવામાં આવ્યો છે.

આનો મૂળભૂત વિચાર મહિલાઓના મુદ્દાઓને ઉજાગર કરતા ઓનલાઇન મેગેઝિન petticoatjournal.comનો છે. આ અંગે તેના એડિટર શ્રુતિ કોહલીનું કહેવું છે કે 3 જાન્યુઆરીનો દિવસ એટલા માટે નક્કી કરવામાં આવ્યો છે કે એ દિવસે પોલીસ રેપના 6 આરોપીઓ સામે ચાર્જશીટ દાખલ કરશે.

English summary
Delhi Gang-rape: India to observe January 3 as Black Day.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X