• search
For Quick Alerts
ALLOW NOTIFICATIONS  
For Daily Alerts

જેએનયુ હિંસાના નકાબધારીઓને પોલીસે ઓળકી કાઢ્યા, 9 લોકોના ફોટા કર્યા જાહેર

|
Google Oneindia Gujarati News

જવાહરલાલ નહેરૂ યુનિવર્સિટી, દિલ્હી પોલીસે આજે (10 જાન્યુઆરી) બપોરે 4 વાગ્યે વિદ્યાર્થીઓને અને શિક્ષકોને માસ્ક પહેરેલા 'ગુંડાઓ' દ્વારા માર મારવાના મામલે અનેક મહત્વપૂર્ણ ઘટસ્ફોટ કર્યા હતા. દિલ્હી પોલીસના પીઆરઓ એમએસ રંધાવાએ કહ્યું કે જેએનયુ હિંસા મામલે નોંધાયેલા ગુનાહિત કેસોની તપાસ ક્રાઇમ બ્રાંચ દ્વારા કરવામાં આવી રહી છે. પરંતુ એવું જોવા મળ્યું છે કે આ કેસોને લગતી ઘણી ખોટી માહિતી ફેલાવવામાં આવી રહી છે.

આ વિદ્યાર્થી સંગઠનોના નામો બહાર આવ્યા

આ વિદ્યાર્થી સંગઠનોના નામો બહાર આવ્યા

દિલ્હી પોલીસે કહ્યું કે, યુનિટી અગેન્સ્ટ લેફ્ટ નામના વોટ્સએપ ગ્રુપને કેમ્પસમાં હુમલો કરવા બોલાવવામાં આવ્યા હતા. આ અગાઉ 3 જાન્યુઆરીએ, સ્ટુડન્ટ ફ્રન્ટ ઓફ ઇન્ડિયા, ઓલ ઇન્ડિયા સ્ટુડન્ટ્સ ફેડરેશન, ઓલ ઇન્ડિયા સ્ટુડન્ટ્સ એસોસિએશન અને ડેમોક્રેટિક સ્ટુડન્ટ્સ ફેડરેશનના સભ્યોએ કેન્દ્રિય નોંધણી સિસ્ટમને અવરોધવા સર્વર રૂમમાં બળજબરીથી પ્રવેશ કર્યો હતો અને કર્મચારીઓને હાંકી કાઢ્યા હતા. આ પછી, સર્વર બંધ કરવામાં આવ્યું હતું. આ પછી, સર્વરને કોઈક રીતે ઠીક કરાયું હતુ. 4 જાન્યુઆરીએ, તેણે ફરીથી સર્વર બંધ કરવાનો પ્રયાસ કર્યો હતો.

આઇશી ઘોષનું નામ બહાર આવ્યું

દિલ્હી પોલીસે આ હુમલા સાથે સંકળાયેલા વિદ્યાર્થીઓના નામ જાહેર કર્યા છે. જેમાં સુશીલ કુમાર (પૂર્વ વિદ્યાર્થી), પંકજ મિશ્રા (મહી માંડવી છાત્રાલય), આઇશી ઘોષ (જેએનયુએસયુ પ્રમુખ), ભાસ્કર વિજય, સુજેતા તાલુકદાર, પ્રિયા રંજન, યોગેન્દ્ર ભારદ્વાજ પીએચડી-સંસ્કૃત, વિકાસ પટેલ (પીળી શર્ટમાં એમએ કોરિયન) અને ડોલન સમન્તાનો સમાવેશ થાય છે. નામના લોકોની ઓળખ કરવામાં આવી છે. ડીસીપી ક્રાઈમ બ્રાંચ ડો.જોય તિર્કીએ જણાવ્યું હતું કે હજી સુધી કોઈ શંકાસ્પદ શખ્સની અટકાયત કરવામાં આવી નથી પરંતુ અમે ટૂંક સમયમાં જ તેમની પૂછપરછ શરૂ કરીશું.

શું છે મામલો

નોંધપાત્ર વાત એ છે કે જેએનયુ કેમ્પસમાં વિદ્યાર્થીઓ સાથે થયેલી હિંસા બાદ હોબાળો મચી ગયો છે. બોલિવૂડ સ્ટાર સહિત ઘણા રાજકારણીઓએ પણ આ ઘટનાની કડક નિંદા કરી હતી અને કેન્દ્ર સરકાર અને ભાજપ પર નિશાન સાધ્યું હતું. ગુરૂવારે જેએનયુના વિદ્યાર્થીઓએ હિંસાના વિરોધમાં દિલ્હીના મંડી હાઉસ ખાતે વિરોધ પ્રદર્શન કર્યું હતું, જેમાં દિલ્હી યુનિવર્સિટી અને જામિયા મીલીયા ઇસ્લામીયાના વિદ્યાર્થીઓ પણ હાજર રહ્યા હતા. આ કૂચ રાષ્ટ્રપતિ ભવન તરફ શરૂ થઈ ત્યારે પોલીસે તેને વચ્ચેથી રોકી હતી. વિરોધ કરી રહેલા વિદ્યાર્થીઓએ પોલીસ પર લાઠીચાર્જ કરવાનો આરોપ લગાવ્યો હતો. આંબેડકર ભવન નજીક દિલ્હી પોલીસે કેટલાક વિરોધ કરનારા વિદ્યાર્થીઓની અટકાયત પણ કરી હતી.

English summary
Delhi Police's big disclosure on JNU violence - 9 students identified, including Aashi Ghosh
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X