Delhi riots case: દિલ્હી રમખાણ કેસમાં વકીલ મહેમૂદ પ્રાચાની ઓફીસમાં દરોડા

દિલ્હી પોલીસે દિલ્હી રમખાણોના કેસમાં વકીલ મેહમૂદ પ્રાચાની ઓફિસ પર દરોડા પાડ્યા છે. પોલીસે જણાવ્યું હતું કે કોર્ટ દ્વારા વોરંટ ઇશ્યુ થયા બાદ દરોડા પાડવામાં આવ્યા હતા. તમને જણાવી દઈએ કે, એડવોકેટ મહેમૂદ પ્રચાર ઉત્તર પૂર્વ દિલ્હી હિંસાના અને સીએએનો વિરોધ કરી રહેલ ઘણા આરોપીઓની કોર્ટમાં પેરવી કરી રહ્યા છે.

દિલ્હી પોલીસના વિશેષ સેલે ગુરુવારે એડવોકેટ મહેમૂદ પ્રાચાના કાર્યાલય પર દરોડા પાડ્યા છે. પોલીસે દાવો કર્યો હતો કે પ્રાચાની ફર્મની ઓફિશિયલ ઇમેઇલ આઈડીના આઉટગોઇંગ દસ્તાવેજો અને મેટા ડેટા શોધી રહ્યા છે. પોલીસે રેડની સાથે મહેમૂદ પ્રચાના કમ્પ્યુટરનો કબજો લેવાની વાત કરી છે. આ અગાઉ વકીલ મહેમૂદ પ્રાચાએ સુપ્રીમ કોર્ટમાં કહ્યું હતું કે પોલીસ આ કેસમાં સંડોવાયેલા લોકોને પરેશાન કરી રહી છે. આ દરોડા દિલ્હીના તોફાનોને લગતા કેસમાં કરવામાં આવી રહ્યા છે.

રેડ દરમિયાનનો વીડિયો આદિત્ય મેનન દ્વારા ટ્વીટ કરવામાં આવ્યો છે. વીડિયોમાં પોલીસ કર્મચારી અને વકીલ મહેમૂદ પ્રાચા વચ્ચે બહેશ થતી દેખાય છે. વીડિયોમાં વકીલો પોલીસ કર્મીઓને જણાવી રહ્યા છે કે આવી કાર્યવાહી યોગ્ય નથી. આ ઘટના અંગે વકીલ પ્રશાંત ભૂષણે ટ્વીટ કર્યો હતું કે, પહેલા તેઓ કાર્યકરોની વિરુદ્ધ આવ્યા, પછી તેઓ વિદ્યાર્થીઓ માટે આવ્યા, પછી તેઓ ખેડૂતો માટે આવ્યા, હવે તેઓ વકીલો માટે આવી રહ્યા છે; આ પછી, તેઓ તમારા માટે આવશે. શું તમે તેને લોકશાહી કહેશો? આપણે બધાએ સાથે મળીને આ યુદ્ધ લડવાનુ છે.