• search
For Quick Alerts
ALLOW NOTIFICATIONS  
For Daily Alerts

પટનાઃ ડૉક્ટર્સે દર્દીના દિમાગમાંથી ક્રિકેટના દડા જેવડું બ્લેક ફંગસ કાઢ્યું

|
Google Oneindia Gujarati News

મૃત્યુદર 50 ટકાથી વધુ હોવાના કારણે બ્લેક ફંગસ કોરોનાવાયરસથી પણ વધુ ખતરનાક છે. કોરોનાવાયરસ થયો હોય તેવા દર્દીઓને મોટેભાગે આ બીમારી થાય છે. બ્લેક ફંગસમાં મોઢામાં સોજા આવી જાય, આંખોને અને દિમાગને અસર પહોંચ છે, દર્દી બોલવામાં અક્ષમ થઈ જાય છે. બિહારના પટના ખાતે આવેલ ઈન્દિરા ગાંધી ઈન્સ્ટીટ્યૂટ ઑફ મેડિકલ સાયન્સના તબીબોએ 60 વર્ષના દર્દીની બ્લેક ફંગસની સફળ સર્જરી કરી છે. તબીબોએ જણાવ્યું કે, ક્રિકેટના દડા જેવડી બ્લેક ફંગસની સાઈઝ હતી.

હિન્દુસ્તાન ટાઈમ્સના અહેવાલ મુજબ શુક્રવારે સર્જરી કરવામાં આવી હતી જે સતત ત્રણ કલાક સુધી ચાલી હતી. દર્દી અનિલ કુમાર (રહે. જમુઈ)ની તબિયત હાલ સ્થિર છે. અનિલ કુમાર તાજેતરમાં જ કોરોનાવાયરસથી સાજા થયા હતા પણ બદનસીબે તેઓને બ્લેક ફંગસ થઈ ગયો હતો.લ

IGIMS હોસ્પિટલના મેડિકલ સુપ્રિટેન્ડન્ટ ડૉ મનિષ પાંડલે જણાવ્યું કે, નાક મારફતે અનિલ કુમારના મગજ સુધી બ્લેક ફંગસ પહોંચી ગયો હતો, જેથી તેની આંખોમાં નહોતો ફેલાયો, આ કારણે સર્જરી દરમિયાન દર્દીની આંખો સુરક્ષિત રહી.

કાર્બનિક પદાર્થોના ઘાટ અને સડાના કારણે બ્લેક ફંગસ થાય છે. જેમને ડાયાબિટીઝ હોય અથવા તો જેમનામાં સ્ટેરોઈડનું વધુ પ્રમાણ હોય તેમને બ્લેક ફંગસ વધુ અસર કરે છે. કોરોનાવાયરસથી સાજા થયા હોય અને રોગપ્રતિકારક શક્તિ નબળી હોય તેવા દર્દીઓમાં બ્લેક ફંગસના કેસ જોવા મળ્યા હતા.

બિહાર સરકારે 22 મેના રોજ મહામારી રોગ અધિનિયમ 1897ની કલમ 2 અંતર્ગત બ્લેક ફંગસને મહામારી ઘોષિત કરી હતી.

English summary
Doctors removed cricket ball size black fungus from patient's brain in patna
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X