Fifa World Cup 2022: PM મોદી અને રાહુલ ગાંધીએ આર્જેન્ટીનાને જીત માટે આપ્યા અભિનંદન

પ્રધાનમંત્રી નરેન્દ્ર મોદી અને કોંગ્રેસના પૂર્વ અધ્યક્ષ રાહુલ ગાંધીએ આર્જેન્ટીનાને ફૂટબૉલ વિશ્વકપ જીતવા બદલ અભિનંદન પાઠવ્યા છે.

Fifa World Cup 2022: આર્જેન્ટીના અને ફ્રાંસ વચ્ચે રવિવારે દોહાના લુસેલ સ્ટેડિયમમાં રમાયેલ ફૂટબૉલ વિશ્વકપ 2022ના સુપર રોમાંચક મુકાબલામાં આર્જેન્ટીનાએ ઐતિહાસિક જીત મેળવી. મુકાબલામાં છેલ્લી બે વારના ચેમ્પિયન આર્જેન્ટીના પેનલ્ટી શૂટઆઉટમાં ફ્રાંસને 4-2થી હરાવીને વિશ્વ વિજેતા બન્યુ. વિશ્વભરમાંથી આર્જેન્ટીના આ જીત માટે અભિનંદનની વર્ષા થઈ રહી છે. પ્રધાનમંત્રી નરેન્દ્ર મોદી અને રાહુલ ગાંધીએ આર્જેન્ટીનાને ફૂટબૉલ વિશ્વ કપ જીતવા બદલ અભિનંદન પાઠવ્યા છે.

પીએમ મોદીએ ટ્વિટ કરીને કહ્યુ કે, 'આ સૌથી રોમાંચક ફૂટબૉલ મેચોમાંની એક તરીકે યાદ કરવામાં આવશે. ચેમ્પિયન્સ બનવા પર આર્જેન્ટીનાને અભિનંદન. તેમણે આખી ટૂર્નામેન્ટમાં શાનદાર પ્રદર્શન કર્યુ છે. શાનદાર જીત પર આર્જેન્ટીના અને મેસ્સીના લાખો ભારતીય પ્રશંસકો ખુશ છે.' વળી, અન્ય એક ટ્વિટમાં પ્રધાનમંત્રી નરેન્દ્ર મોદીએ ફ્રાંસની વાત કરીને લખ્યુ છે કે, '#FIFAWorldCupમાં ઉત્સાહપૂર્ણ પ્રદર્શન માટે ફ્રાંસને અભિનંદન. તેમણે ફાઈનલના રસ્તે પોતાનુ કૌશલ અને ખેલદિલીથી ફૂટબૉલ ચાહકોને ખુશ કર્યા.'

Congratulations to France for a spirited performance at the #FIFAWorldCup! They also delighted Football fans with their skill and sportsmanship on the way to the finals. @EmmanuelMacron

— Narendra Modi (@narendramodi) December 18, 2022

કોંગ્રેસ અધ્યક્ષ મલ્લિકાર્જુન ખડગે અને વરિષ્ઠ નેતા રાહુલ ગાંધીએ રવિવારે આર્જેન્ટિનાને ફૂટબોલ વર્લ્ડ કપ જીતવા બદલ અભિનંદન પાઠવ્યા હતા. રાહુલ ગાંધીએ કહ્યુ કે આ મેચે ફરી એક વાર બતાવ્યુ કે રમત કેવી રીતે લોકોને સરહદ પારથી જોડે છે. કોંગ્રેસ અધ્યક્ષ ખડગેએ પણ શાનદાર પ્રદર્શન અને ફિફા વર્લ્ડ કપ ચેમ્પિયન બનવા બદલ આર્જેન્ટિનાને અભિનંદન પાઠવ્યા હતા. તેમણે ટ્વીટ કર્યુ, 'મેસ્સી દ્વારા એક શાનદાર રમત જે લાખો ચાહકોની અપેક્ષાઓ પર ખરા ઉતર્યા અને એમબાપ્પેએ ફ્રાંસને શાનદાર વાપસી માટે પ્રેરણા આપીને ધ્યાન ખેંચ્યુ.' રાહુલ ગાંધીએ ટ્વિટ કર્યુ, 'કેટલી સુંદર રમત! આર્જેન્ટિનાને રોમાંચક જીત માટે અભિનંદન. ફ્રાન્સ સારી રીતે રમ્યુ. મેસ્સી અને એમબાપ્પે બંને સાચા ચેમ્પિયનની જેમ રમ્યા.'

This will be remembered as one of the most thrilling Football matches! Congrats to Argentina on becoming #FIFAWorldCup Champions! They’ve played brilliantly through the tournament. Millions of Indian fans of Argentina and Messi rejoice in the magnificent victory! @alferdez

— Narendra Modi (@narendramodi) December 18, 2022

What a beautiful game! Congratulations to Argentina for a thrilling victory. Well played, France.

Both Messi & Mbappé played like true champions! #FIFAWorldCupFinal shows yet again how sports unites, sans boundaries! pic.twitter.com/I1xX5ogpwE

— Rahul Gandhi (@RahulGandhi) December 18, 2022

English summary

Fifa World Cup 2022: PM Modi and Rahul Gandhi congratulates Argentina on winning the Football world cup.