GHMC Result: હૈદરાબાદમાં બદલતું ભાગ્ય જોઈ ભાજપ જોશમાં, સંબિત પાત્રાએ ભાગ્યલક્ષ્મી માતાની ફોટો શેર કરી

ગ્રેટર હૈદરાબાદ મહાનગરપાલિકાના ચૂંટણી પરિણામના ટ્રેન્ડ આવવા લાગ્યા છે જે જબરા ઉલટફેર તરફ ઈશારો કરી રહ્યા છે. દક્ષિણી રાજ્યોમાં પકડ બનાવવાના ભાજપના પ્લાનમાં આ ચૂંટણી ટર્નિંગ પોઈન્ટ સાબિત થઈ શકે છે. 150 સીટવાળી મ્યૂનિસિપાલના ચૂંટણી ટ્રેન્ડમાં ભાજપને 80થી વધુ સીટ લીડ જોવા મળી રહી છે. આ ટ્રેન્ડ પરિણામમાં બદલી જાય છે તો સમજી જવું કે ભગપો પાર્ટીએ હૈદરાબાદનો કિલ્લો ભેદી લીધો. અહીં ચૂંટણી પ્રચાર માટે કેન્દ્રીય નેતૃત્વ ડેરો નાખીને બેઠું હતું. પાર્ટી અધ્યક્ષ જગત પ્રકાશ નડ્ડા ઉપરાંત ગૃહમંત્રી અને ભાજપના ચાણક્ય કહેવાતા અમિત શાહે કમાન પોતાના હાથમા રાખી હતી. ટ્રેન્ડ જોઈ ભાજપ જોશમાં છે. પાર્ટીના રાષ્ટ્રીય પ્રવક્તા સંબિત પાત્રાએ ભાગ્યલક્ષ્મી માતાની તસવીર શેર કરી છે. પાત્રાએ સાથે જ 'ભાગ્યનગર' લખ્યું જે ઉત્તર પ્રદેશના મુખ્યમંત્રી યોગી આદિત્યનાથના નિવેદનના સંદર્ભમાં હતું. એક રેલીમાં આદિત્યનાથે હૈદરાબાદનું નામ ફરીથી ભાગ્યનગર રાખવાની વાત કહી હતી. ચૂંટણી પ્રચાર દરમ્યાન અમિત શાહ માતાના મંદિરે દર્શન માટે પણ ગયા હતા.

હૈદરાબાદમાં ભાગ્ય મચકતાં ભાજપ જોશમાં

હૈદારાબાદ ચૂંટણી પ્રચાર દરમ્યાન ઉત્તર પ્રદેશના મુખ્યમંત્રી યોગી આદિત્યનાથે કહ્યું હતું કે હૈદરાબાદનું નામ બદલીને ભાગ્યનગર રાખવું જોઈએ. અત્યાર સુધીના પરિણામ ભાજપના પક્ષમાં આવતા જોવા મળ્યાં છે જે જોઈ ભાજપ ગદગદીત થઈ ગઈ છે,. પાર્ટીના રાષ્ટ્રીય પ્રવક્તા સાંબિત પાત્રાએ ભાગ્યલક્ષ્મી માતાની ફોટો ટ્વીટ કરી સાથે 'ભાગ્યનગર' લખ્યું છે. બપોર થતાં-થતાં ટ્વિટર પર 'ભાગ્યનગર' ટ્રેન્ડ થવા લાગ્યું હતું.

તેલંગાણા વિધાનસભા માટે બહુ મહત્વના છે GHMC ચૂંટણી પરિણામ

ભાજપે જેવી રીતે મિશન મોડમાં ગ્રેટર હૈદરાબાદની ચૂંટણી લડી, તેનાથી સ્પષ્ટ છે કે તે કોઈપણ પ્રકારે આ વિસ્તારમાં આગળ વધવા માંગે છે. કોર્પોરેશનની સીમામાં 24 વિધાનસભા સેગમેન્ટ્સ આવે છે. તેલંગાણામાં 2023માં વિધાનસભા ચૂંટણી થવાની છે, તે પહેલાં આ ચૂંટણી એક પ્રકારે મૂડ સેટ કરશે. TRS 2016માં 99 સીટ જીતી હતી, જ્યારે AIMIMને 44 સીટ પર જીત મળી હતી. ડિસેમ્બર 2018માં થયેલ વિધાનસભા ચૂંટણીમાં TRSની એકતરફી જીત થઈ હતી પરંતુ એપ્રિલ 2019માં થયેલ લોકસભા ચૂંટણીમાં ભાજપે TRS પાસેથી ચાર મહત્વની સીટ છીનવી લીધી હતી. 10 નવેમ્બર 2020ના રોજ દુબ્બકા વિધાનસભા પેટાચૂંટણીમાં પણ TRSએ ભાજપના હાથે હારનો સામનો કરવો પડ્યો હતો.