ગોવામાં ગોવા ફોરવર્ડ પાર્ટી અને કોંગ્રેસ વચ્ચે ગઠબંધનની જાહેરાત!
ગોવા ફોરવર્ડ પાર્ટીએ આગામી વર્ષે યોજાનારી ગોવા વિધાનસભા ચૂંટણી પહેલા કોંગ્રેસ સાથે ગઠબંધનની જાહેરાત કરી છે. બંને પક્ષોએ શનિવારે ગોવામાં પ્રેસ કોન્ફરન્સ કરીને ગઠબંધનની જાહેરાત કરી હતી.
પણજી, 18 ડિસેમ્બર : ગોવા ફોરવર્ડ પાર્ટીએ આગામી વર્ષે યોજાનારી ગોવા વિધાનસભા ચૂંટણી પહેલા કોંગ્રેસ સાથે ગઠબંધનની જાહેરાત કરી છે. બંને પક્ષોએ શનિવારે ગોવામાં પ્રેસ કોન્ફરન્સ કરીને ગઠબંધનની જાહેરાત કરી હતી. ગોવા ફોરવર્ડ પાર્ટીના પ્રમુખ વિજય સરદેસાઈએ કહ્યું કે, અમે ભૂતકાળમાં કહ્યું હતું કે ગોવાના 60મા સ્વતંત્રતા દિવસની પૂર્વસંધ્યાએ અમે તમને એક ગઠબંધન આપીશું, જે ગોવાને આ ચૂંટાયેલા આપખુદશાહીઓથી મુક્ત કરશે. પોર્ટુગીઝ શાસનમાંથી ગોવાને મુક્ત કરાવનાર ભારતીય સશસ્ત્ર દળો દ્વારા હાથ ધરવામાં આવેલા ઓપરેશન વિજયની સફળતાને ચિહ્નિત કરવા દર વર્ષે 19 ડિસેમ્બરે ગોવા મુક્તિ દિવસની ઉજવણીનું આયોજન કરવામાં આવે છે. ગોવા ફોરવર્ડ પાર્ટીએ તેના ટ્વિટર હેન્ડલ પર એક ટ્વિટ કર્યું, જેમાં કોંગ્રેસ સાથે હાથ મિલાવતા તેના નેતાઓની તસવીર શેર કરવામાં આવી છે.
ગોવા ફોરવર્ડ પાર્ટીએ ભારતીય જનતા પાર્ટી સાથે ગઠબંધન કરીને 2017ની ચૂંટણી લડી હતી. જો કે, કેટલાક મતભેદોને કારણે વર્ષ 2019 માં ભાજપથી અલગ થઈ ગયા હતા. શનિવારે એક ટ્વિટમાં સરદેસાઈએ લખ્યું કે, ગોવાના લોકોની મજબૂત ભાજપ વિરોધી ભાવના હવે જબરદસ્ત બળ બની ગઈ છે. ગોવાને ભાજપથી મુક્ત કરાવવું એ અમારું જ નહીં પરંતુ સમગ્ર ગોવાનું લક્ષ્ય છે. અમે ગોવામાં અત્યાર સુધીની સૌથી ભ્રષ્ટ, અનૈતિક સરકારનો અંત લાવવા માટે સાથે મળીને કામ કરીશું.
તમને જણાવી દઈએ કે આ ગઠબંધન માટે ગોવા કોંગ્રેસના પ્રભારી ગુંડુ રાવને જવાબદાર માનવામાં આવે છે, જેમણે ગયા અઠવાડિયે બંને પક્ષો માટે ગઠબંધન માટે સહમત કર્યા હતા. 30 નવેમ્બરના રોજ સરદેસાઈએ કોંગ્રેસ નેતા રાહુલ ગાંધી સાથે મુલાકાત કરી હતી અને કહ્યું હતું કે ગોવાની બીજી આઝાદી માટે જે વ્યક્તિએ પહેલા ગોવાને આઝાદ કરાવ્યું તેના પૌત્ર સાથે કામ કરવાનો અમને ગર્વ છે. આ દરમિયાન કોંગ્રેસે આ સપ્તાહની શરૂઆતમાં રાજ્યની વિધાનસભા ચૂંટણી માટે આઠ ઉમેદવારોની પ્રથમ યાદી બહાર પાડી હતી. પાર્ટીએ તાલેગાંવ વિધાનસભા બેઠક પરથી ટોની રોડ્રિગ્સ અને પોંડા બેઠક પરથી રાજેશ વેરેનકરને મેદાનમાં ઉતાર્યા છે. પૂર્વ મુખ્યમંત્રી દિગંબર કામત અને સુધીર કાનોલકર પણ અનુક્રમે મડગાંવ વિધાનસભા બેઠક અને માપુસા વિધાનસભા બેઠક પરથી ચૂંટણી લડશે. ઉલ્લેખનીય છે કે આગામી વર્ષે ફેબ્રુઆરીમાં 40 વિધાનસભા સીટો માટે ચૂંટણી યોજાવાની છે, જેમાં બહુમત માટે 21 સીટોની જરૂર પડશે.
Click it and Unblock the Notifications
Sign in with Google
