India
  • search
For Quick Alerts
ALLOW NOTIFICATIONS  
For Daily Alerts
Oneindia App Download

આજે એક વાર ફરીથી જ્ઞાનવાપી કેસની થશે સુનાવણી, હિંદુ પક્ષે કહી આ વાત

|
Google Oneindia Gujarati News

વારાણસીઃ વારાણસીમાં જ્ઞાનવાપી મસ્જિદ કેસની ફરી એકવાર સુનાવણી થવા જઈ રહી છે. આજે વારાણસી કોર્ટમાં આ મામલે સુનાવણી થશે. હિન્દુ પક્ષના વકીલ વી જૈને કહ્યુ કે મુસ્લિમ પક્ષ કોર્ટમાં પોતાની દલીલો રજૂ કરવાનુ ચાલુ રાખશે. તેમના મતે આ કેસ સુનાવણી લાયક નથી પરંતુ અમે માનીએ છીએ કે આ કેસની સુનાવણી અને ચર્ચા થવી જોઈએ. અમારી માંગ છે કે અહીં પ્રાર્થના કરવાની પરવાનગી આપવામાં આવે જે સંપૂર્ણપણે કાયદેસર છે.

અગાઉ 30 મેના રોજ જિલ્લા ન્યાયાધીશ એકે વિશ્વેશે કેસની સુનાવણી 4 જુલાઈ સુધી સ્થગિત કરી હતી. મુસ્લિમ પક્ષનુ કહેવુ છે કે આ કેસમાં અરજી સાંભળવા યોગ્ય નથી. મસ્જિદ કમિટીના વકીલ અભય નાથ યાદવે કોર્ટ સમક્ષ બે કલાક સુધી મુસ્લિમ પક્ષની દલીલ કરી હતી. મુસ્લિમ પક્ષ તરફથી હાજર રહેલા એડવોકેટ અખલાક અહેમદે રજૂઆત કરી હતી કે પાંચ હિન્દુ મહિલાઓએ વ્યક્તિગત ક્ષમતામાં કેસ દાખલ કર્યો હતો. તેથી તેઓ સમગ્ર સંપ્રદાયનુ પ્રતિનિધિત્વ કરતી નથી. મુસ્લિમ પક્ષે પૂજા અધિનિયમ 1991ની કલમ 4ને ટાંકીને જણાવ્યુ હતુ કે આ કેસમાં કાનૂની કાર્યવાહી કરી શકાતી નથી કારણ કે 15 ઓગસ્ટ, 1947 પછી પ્રાર્થના સ્થળની યથાસ્થિતિમાં કોઈ ફેરફાર કરી શકાય નહીં.

માનવામાં આવે છે કે આજે કોર્ટ મસ્જિદની અંદર કરવામાં આવેલા સર્વેના વીડિયો લીકના કેસની પણ સુનાવણી કરી શકે છે. હિંદુ પક્ષકારોના એડવોકેટ સુભાષ નંદન ચતુર્વેદીએ કહ્યુ હતુ કે આ મામલે સુનાવણી એ સાબિત કરતી રહેવી જોઈએ કે અમારી પાસે ઘણી દલીલો છે એટલુ જ નહીં પ્રાર્થના કરવાની પરવાનગીની અમારી માંગ પણ કાયદેસર છે. તમને જણાવી દઈએ કે આ મામલામાં કેટલીક મહિલાઓએ ઓગસ્ટ 2021માં સિવિલ કોર્ટમાં અરજી કરી હતી અને મસ્જિદની બહારની દીવાલ પર બનેલી દેવી-દેવતાઓની મૂર્તિઓની દરરોજ પૂજા કરવાની પરવાનગી માંગી હતી.

English summary
Gyanvapi case hearing to resume in varanasi court here is what hindu side said.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X