મુખ્યમંત્રી પદની શપથ લેતા પહેલા હેમંત સોરને મમતા બેનરજી સાથે મુલાકાત કરી
નવી દિલ્હીઃ ઝારખંડના મુખ્યમંત્રી પદના શપથ લેતા પહેલા હેમંત સોરેને શનિવારે પશ્ચિમ બંગાળના મુખ્યમંત્રી મમતા બેનરજી સાથે મુલાકાત કરી. જણાવી દઈએ કે મમતા બેનરજી આજે હેમંત સોરેનના શપથ ગ્રહણ સમારોહમાં ભાગે લેવા માટે ઝારખંડની રાજધાની રાંચી પહોંચ્યાં. મમતા બેનરજી ઉપરાંત દ્રવિડ મુન્નેત્ર કઝગ્ગમના મુખિયા એમકે સ્ટાલિન પણ શપથ ગ્રહણ સમારોહમાં ભાગ લેવા માટે પહોંચ્યા છે. કોંગ્રેસ નેતા રાહુલ ગાંધી પણ શપથ ગ્રહણમાં ભાગ લેશે. આ ઉપરાંત પ્રિયંકા ગાંધી, પ્રણવ મુખરજી, પી ચિદમ્બરમ, શરદ પવાર, તેજસ્વી યાદવ, અખિલેશ યાદવ સહિત કેટલાય નેતા ઝારખંડ મુક્તિ મોર્ચાના નેતા હેમંત સોરેનના શપથ ગ્રહણ સમારોહમાં હાજરી આપશે.
આ સમારોહમાં 14 રાજનૈતિક દળ હાજર રહેશે. તેમના સિવાય આ સમારોહમાં પૂર્વ પ્રેસિડેન્ટ પ્રણવ મુખરજી, રાહુલ ગાંધી સહિત 30 મોટા નેટા કાર્યક્રમમાં હાજરી આપશે. સમારોહ માટે દેશના મોટા નેતાઓ, ઉદ્યોગપતિઓ અને હસ્તીઓને આમંત્રણ આપવામાં આવ્યું છે. જણાવી દઈએ કે હેમંત સોરેન બીજીવાર મુખ્યમંત્રી પદના શપથ લેશે. અગાઉ હેમંતે જુલાઈ 2013માં મુખ્યમંત્રી પદના શપથ લીધા હતા. જેએમએમ-રાજદ-કોંગ્રેસની સાથે મળી તેમણે એક વર્ષ પાંચ મહિના અને પંદર દિવસ સુધી સરકાર ચલાવી હતી.
ઉલ્લેખનીય છે કે ઝારખંડ વિધાનસભા ચૂ્ંટણીમાં આરજેડી અને કોંગ્રેસની સાથે મળી હેમંત સોરેનની ઝારખંડ મુક્તિ મોર્ચા પાર્ટીએ ચૂંટણી લડી હતી. ચૂંટણી પરિણામમાં હેમંત સોરેનના ગઠબંધને ઝારખંડ વિધાનસભાની 81 સીટમાંથી 47 સીટ પર જીત હાંસલ કરી સરકાર બનાવવા બહુમત હાંસલ કર્યું છે. જ્યારે આ હેમંત સોરેન મહાગઠબંધનની વિરોધી પાર્ટી ભારતીય જનતા પાર્ટીએ એકલા જ ચૂંટણી લડી અને માત્ર 25 સીટ જ જીતી શકી. જ્યારે પાછલા પાંચ વર્ષથી ઝારખંડમાં ભાજપના મુખ્યમંત્રી રઘુવર દાસે જ અહીંની સત્તા સંભાળી હતી.
Jharkhand Live: ઝારખંડના 11મા મુખ્યમંત્રી તરીકે હેમંત સોરેન આજે શપથ લેશે