દેશભરમાં લોકોએ હોળીનો તહેવાર કઇ રીતે ઉજવ્યો? જુઓ અહીં..

ભારતના વિવિધ શહેરોમાં ધામધૂમથી હોળી-ધૂળેટીનો તહેવાર ઉજવાય છે, આ વર્ષે વિવધ શહેરોમાં હોળીની ઉજવણીની કઇ રીતે થઇ તેની ઝાંખી મેળવો આ તસવીરોમાં..

By Shachi

Published: Monday, March 13, 2017, 14:56 [IST]

ભારતના વિવિધ શહેરોમાં ધામધૂમથી હોળી-ધૂળેટીનો તહેવાર ઉજવાય છે, આ વર્ષે વિવધ શહેરોમાં હોળીની ઉજવણીની કઇ રીતે થઇ તેની ઝાંખી મેળવો આ તસવીરોમાં.. રાજકારણીઓ, સ્ટાર્સ, આર્મી ના જવાનો તથા સ્થાનિક લોકોએ કઇંક આ રીતે ઉજવ્યો રંગોનો તહેવાર..

કલકત્તા

કલકત્તામાં શનિવારના રોજ જ પછાત બાળકોએ હોળીના રંગોની મજા માણી હતી.

બોધગયા

બોધગયામાં સ્થાનિક લોકોની સાથે ફોરેન ટૂરિસ્ટે પણ હોળીના તહેવારની મજા માણી હતી. ભારતીય વસ્ત્રોમાં, ભારતીય તહેવારની મજા માણતા વિદેશીઓને જોવા પણ એક લ્હાવો છે.

લખનઉ

ભાજપવા કાર્યકર્તાઓ અને સમર્થકો માટે હોળી એક દિવસ વહેલી આવી હતી. શનિવારે પાંચ રાજ્યોની વિધાનસભા ચૂંટણીના પરિણામો આવ્યા હતા, જેમાં ઉત્તર પ્રદેશમાં ભાજપને પ્રચંડ બહુમત સાથે વિજય મળતાં લખનઉમાં ભાજપના કાર્યકર્તાઓએ રંગો વડે ઉજાણી કરી હતી.

જબલપુર

એ જ દિવસે જબલપુર ખાતે અખિલ ભારતીય વિદ્યાર્થી પરિષદ(એબીવીપી)ના કાર્યકર્તાઓએ પણ હોળીની મજા માણી હતી. ઉત્તર પ્રદેશ અને ઉત્તરાખંડની વિધાનસભાની ચૂંટણીના પરિણામો જાહેર થતાં સમગ્ર ભારતમાં જાણે હોળી એક દિવસ વહેલી આવી ગઇ હતી.

મથુરા

રવિવારે મથુરા ખાતે ભાજપ MP અને બોલિવૂડ એક્ટ્રેસ હેમા માલીનીએ હોળીની ઉજવણી કરી હતી. જે દરમિયાન એક નાનકડા છોકરાએ હેમા માલીનીના ચેહરા પર ગુલાલ લગાવી તેમને હોળીના શુભકામનાઓ પાઠવી હતી.