પોલીસખાતામાં મુસ્લીમોની ભર્તીમાં ગુજરાત અવ્વલ
એક ખાનગી સમાચારપત્રએ દાખલ કરેલી આરટીઆઇના જવાબમાં ગૃહમંત્રાલયે આપેલી માહિતી અનુસાર ગુજરાતના પોલીસ ખાતામાં 10.6 ટકા મુસ્લીમ છે. જે રાજ્યમાં મુસ્લીમોની જનસંખ્યાની સરખામણી કરતા વધારે છે. 2001ની વસ્તી ગણતરી અનુસાર રાજ્યમાં મુસ્લીમ વસ્તી 9.1 ટકા હતી.
ગુજરાતના 501 પોલીસસ્ટેશનમાં નોકરી બજાવતા 47,424 પોલીસજવાનોમાંથી 5021 મુસ્લીમ જવાનો છે. આ હિસાબે જોઇએ તો ગુજરાતના દરેક પોલીસ સ્ટેશનમાં 10 મુસ્લીમ પોલીસ જવાનો કાર્યરત છે. આ આંકડો ગુજરાતની ભાજપ સરકારની મુસ્લીમ વિરોધી છાપને સુધારી શકે છે.
ગુજરાતની સરખામણા દેશના અન્ય રાજ્યો સાથે કરવામાં આવે તો મુસ્લીમોને પોલીસ ખાતામાં નોકરી આપવામાં કેરળ અને આસામ બીજા નંબર પર આવે છે, કેરળના 451 પોલીસ સ્ટેશનમાં 2210 પોલીસ જવાનો મુસ્લીમ છે. જ્યારે પચ્છિમ બંગાળમાં 525 પોલીસ સ્ટેશનમાં 2048 પોલીજ જવાનો મુસ્લીમ છે. જોકે આ બધામાં સૌથી ખરાબ રેકોર્ડ રાજસ્થાનનો છે, જ્યાં 773 પોલીસ સ્ટેશનમાં માત્ર 930 પોલીસ જવાનો મુસ્લીમ છે. જ્યારે ઝારખંડમાં 417 પોલીસ સ્ટેશનમાં 616 પોલીસ જવાનો મુસ્લીમ છે.
ગૃહમંત્રાલય તરફથી આપવામાં આવેલી માહિતી અનુસાર 17 રાજ્યો અને 6 કેન્દ્ર શાસિત પ્રદેશોનું વિવરણ છે. જેમાં 11 રાજ્યો અને 1 કેન્દ્ર શાસિત પ્રદેશની માહિતી ઉપલબ્ધ નથી. 10 ટકાથી વધારેની મુસ્લીમ વસ્તી ધરાવતા રાજ્ય ઉત્તર પ્રદેશ, બિહાર, કર્ણાટક, મહારાષ્ટ્ર અને આંધ્રપ્રદેશે આ માહિતી આપી નથી. પ્રાપ્ત રાજ્યોની માહીતીમાં ગુજરાત રાજ્ય મુસ્લીમ લોકોને પોલીસ ખાતામાં નોકરી આપવામાં અન્ય રાજ્યોની સરખામણીમાં અવ્વલ સાબિત થયું છે.
Click it and Unblock the Notifications
Sign in with Google
