ચાંદની ચોકમાં IT નો છાપો, દુકાનમાંથી 25 કરોડ કેશ મળી
રાજધાની દિલ્હીના ચાંદની ચોક વિસ્તારના ખારી બાવલીમાં ઈન્ક્મ ટેક્સ ટીમે છાપામાં 300 લોકર મળ્યા અને તેમાં રાખેલા કેશની ગણતરી કરવામાં આવી રહી છે.
રાજધાની દિલ્હીના ચાંદની ચોક વિસ્તારના ખારી બાવલીમાં ઈન્ક્મ ટેક્સ ટીમે છાપામાં 300 લોકર મળ્યા અને તેમાં રાખેલા કેશની ગણતરી કરવામાં આવી રહી છે. રાજહંશ સોપ પ્રાઇવેટ મિલ્સ લિમિટેડ પર છાપામારીમાં અત્યારસુધીમાં 25 કરોડ રૂપિયા મળી આવ્યા છે. જણાવવામાં આવી રહ્યું છે કે ચાંદની ચોકની નાની દુકાનમાં સાબુ અને મેવાનો વેપાર કરવામાં આવી રહ્યો હતો.
આ દુકાનની આડમાં બેઝમેન્ટમાં લગભગ 300 જેટલા પ્રાઇવેટ લોકર બનાવવામાં આવ્યા હતા. જણાવવામાં આવી રહ્યું છે કે રોજ અહીં આઇટી વિભાગની ટીમ આવીને લોકર ખોલે છે અને કેશની ગણતરી કરે છે. ઈન્ક્મ ટેક્સ વિભાગની ટીમ આ બાબતની તપાસ કરી રહી છે કે આખરે આ ભારે રકમનો સંબંધ હવાલા સાથે તો નથી.
મીડિયા રિપોર્ટ અનુસાર આઇટી વિભાગના ઓફિસર આ દુકાનમાં જ સુતા હતા, ખાતા હતા જેથી લોકરમાં મળેલી કેશની ગણતરી જલ્દી થઇ શકે. આ રેડ દરમિયાન ઈન્ક્મ ટેક્સ વિભાગને સ્થાનીય વેપારીઓના વિરોધનો પણ સામનો કરવો પડ્યો. અનુમાન કરવામાં આવી રહ્યું છે કે આ લોકરમાં હજુ પણ ભારે માત્રામાં પૈસા છે. મીડિયા રિપોર્ટ્સ અનુસાર આ લોકર તમ્બાકુ, કેમિકલ અને માવાના કારોબાર સાથે જોડાયેલા મોટા વેપારીઓનું છે.