• search
For Quick Alerts
ALLOW NOTIFICATIONS  
For Daily Alerts

કારમાં એકલા હોઇએ તો માસ્ક લગાવવું જરૂરી? દિલ્હી હાઇકોર્ટે આપ્યો મોટો ફેંસલો

|
Google Oneindia Gujarati News

જો તમે તમારી કારમાં એકલા મુસાફરી કરી રહ્યા છો, તો તમારે માસ્ક પહેરવુ ફરજિયાત છે? આ મામલે થયેલી ચર્ચા વચ્ચે દિલ્હી હાઈકોર્ટે બુધવારે એક મહત્વપૂર્ણ ચુકાદો આપ્યો હતો. દિલ્હી હાઈકોર્ટે કહ્યું છે કે જો તમે તમારી કારમાં એકલા મુસાફરી કરી રહ્યા હોવ તો પણ તમારે અનિવાર્યપણે માસ્ક પહેરવુ પડશે. આ કેસના સંબંધમાં દિલ્હી હાઈકોર્ટમાં ચાર અરજીઓ દાખલ કરવામાં આવી હતી, જેમાં વાહનની અંદર બેઠેલા એકલા વ્યક્તિનો માસ્ક ન પહેરવા બદલ દંડ અંગેના નિર્ણયને પડકારવામાં આવ્યો હતો. હાઇકોર્ટે આ તમામ અરજીઓને ફગાવી દીધી છે.

સુરક્ષા કવચનું કામ કરે છે માસ્ક

સુરક્ષા કવચનું કામ કરે છે માસ્ક

કોરોના વાયરસ રોગચાળાના બીજા વેવ વચ્ચે આપેલા ચુકાદામાં, દિલ્હી હાઈકોર્ટે કહ્યું, "માસ્ક કોરોના સામે રક્ષણાત્મક ઢાલ તરીકે કામ કરે છે, અને ચેપને ફેલાવવાથી અટકાવે છે. તેથી, જો તમે તમારી કારમાં એકલા મુસાફરી કરી રહ્યાં છો, તો તમારે અનિવાર્યપણે માસ્ક પહેરવુ પડશે. કારને સાર્વજનિક સ્થળ તરીકે રાખવામાં આવી છે, તેથી એકલા મુસાફરી કરતી વખતે પણ માસ્ક પહેરવું જરૂરી છે.

દેશમાં વિકરાળ રૂપ લઇ રહી છે કોરોના મહામારી

દેશમાં વિકરાળ રૂપ લઇ રહી છે કોરોના મહામારી

તમને જણાવી દઇએ કે આ પહેલા પણ દિલ્હીમાં કારની અંદર એકલા રહીને માસ્ક ન પહેરવા બદલ દંડનો મામલો કોર્ટમાં પહોંચ્યો છે. તે પછી પણ દિલ્હી સરકારે કોર્ટમાં કહ્યું હતું કે કારને જાહેર સ્થળ તરીકે રાખવામાં આવી છે, તેથી વાહન એકલું હોય તો પણ માસ્ક પહેરવાની જરૂર છે. નોંધપાત્ર વાત એ છે કે દેશમાં કોરોના વાયરસનો રોગચાળો ફરી એકવાર વિકરાળ સ્વરૂપ લેતો જોવા મળી રહ્યો છે. બુધવારે દેશભરમાં કોરોના વાયરસના એક લાખથી વધુ કેસ નોંધાયા છે.

દિલ્હીમાં સૌથી વધુ ઝડપે વધી રહ્યાં છે કોરોનાના મામલા

દિલ્હીમાં સૌથી વધુ ઝડપે વધી રહ્યાં છે કોરોનાના મામલા

મહારાષ્ટ્રની સૌથી વધુ અસર કોરોના વાયરસથી થયા બાદ હવે દિલ્હીમાં પણ કોરોના વાયરસના આંકડા ભયજનક છે. મંગળવારે દિલ્હીમાં એક જ દિવસમાં 5 હજારથી વધુ કેસ નોંધાયા છે. આવી સ્થિતિમાં દિલ્હી સરકારે કોરોના વાયરસ સંબંધિત નિયમો અંગેની કડકતામાં વધારો કર્યો છે. દિલ્હીમાં માસ્ક ન પહેરવા બદલ 2000 રૂપિયા દંડ છે.

આ પણ વાંચો: Night Cufew: ગુજરાતના 20 શહેરોમાં નાઈટ કર્ફ્યુ, લગ્ન સમારંભમાં શામેલ થઈ શકશે માત્ર 100 જણ

English summary
Is it necessary to wear a mask if you are alone in the car? Delhi High Court gives big verdict
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X