• search
For Quick Alerts
ALLOW NOTIFICATIONS  
For Daily Alerts

જમ્મુ-કાશ્મીરઃ શોપિયામાં સુરક્ષાબળો અને આતંકીઓ વચ્ચે અથડામણ

|

જમ્મુ-કાશ્મીરના શોપિયાં જિલ્લાના રાવાલપોરમાં સુરક્ષાબળો સાથે અથડામણમાં એક આતંકી ઠાર મરાયો છે. શોપિયાંના રાવલપોરા વિસ્તારમાં આ સુરક્ષાબળો અને આતંકવાદીઓ વચ્ચે શનિવાર રાતથી અથડામણ ચાલી રહી છે. આ વિસ્તારમાં હાલ સંયુક્ત ઓપરેશન ચાલી રહ્યું છે. ટીવી રિપોર્ટ મુજબ શોપિયાં જિલ્લામાં સેનાના જવાનો અને આતંકીઓ વચ્ચે શનિવારની સાંજથી અથડામણ શરૂ થઈ ગઈ હતી. કાશ્મીર પોલીસે આ વાતની સૂચના આપી હતી. જણાવવામાં આવી રહ્યું હતું કે સેનાના જવાનોએ બેથી ત્રણ આતંકવાદીઓને ઘેરી લીધા હતા. જેમાંથી એકને સુરક્ષાબળોએ ઠાર માર્યો છે. હાલ સંયુક્ત અભિયાન ચલાવી બાકી આતંકવાદીઓને ઘેરવાની કોશિશ કરવામાં આવી રહી છે.

કાશ્મીર પોલીસ મુજબ શોપિયાંના રાવલપોરા વિસ્તારમાં આતંકવાદીઓ છૂપાયા હોવાની માહિતી સુરક્ષાબળોને શનિવારે સવારે જ મળી ગઈ હતી. આ કારણે શોપિયાંના રાવલપોરા વિસ્તારમાં શનિવારે સવારેથી જ નાકાબંધી કરી સર્ચ ઓપરેશન શરૂ કરી દેવાયું હતું. આ સર્ચ અભિયાન દરમ્યાન આતંકવાદીઓએ સુરક્ષાબળો પર ગોળીબાર કર્યો, જે બાદ અથડામણ શરૂ થઈ, જે બાદ સુરક્ષાબળોએ જવાબી કાર્યવાહીમાં ફાયરિંગ શરૂ કર્યું.

શોપિયાંથી હિઝબુલ મુજાહિદ્દીન સાથે જોડાયેલા સાત લોકોની ધરપકડ

શોપિયાં જિલ્લાથી આતંકી સંગઠન હિઝબુલ મુજાહિદ્દીન સાથે જોડાયેલા સાત લોકોની ધરપકડ કરવામાં આવી છે. પોલીસે શનિવારે ટ્વીટ કરીને કહ્યું કે હિઝબુલ મુજાહિદ્દીન માટે કામ કરતા સાત લોકોની પોલીસે ધરપકડ કરી છે. પકડાયેલા આતંકવાદીઓ પાસેથી પોલીસને વાંધાજનક સામગ્રી અને હથિયાર મળી આવ્યાં છે. આ મામલે પોલીસે કેસ નોંધી તપાસ હાથ ધરી છે.

English summary
Jammu and Kashmir: Clashes between security forces and militants in shopian. જમ્મુ-કાશ્મીરઃ શોપિયામાં સુરક્ષાબળો અને આતંકીઓ વચ્ચે અથડામણ
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X