જમ્મુ કાશ્મીર: કુલગામમાં આતંકીઓનો સફાયો જારી, એન્કાઉન્ટરમાં માર્યો ગયો વધુ એક આતંકી

જમ્મુ-કાશ્મીરમાં સતત આતંકવાદીઓનો ખાત્મો થઈ રહ્યો છે. સેનાના જવાનો આતંકીઓને તેમના યોગ્ય સ્થાન પર મોકલવામાં લાગેલા છે. બે દિવસ પહેલા (નવેમ્બર 17), જ્યાં સુરક્ષા દળોએ કુલગામમાં મોટી સફળતા હાંસલ કરી હતી, ત્યાં બે અલગ-અલગ સ્થળોએ થયેલી અથડામણમાં પાંચ આતંકવાદીઓને ઠાર કરવામાં આવ્યા હતા. શનિવારે ફરી એકવાર કુલગામમાં એક આતંકવાદી માર્યો ગયો. મળતી માહિતી મુજબ, સ્થળ પર સુરક્ષા દળોનું ઓપરેશન હજુ પણ ચાલુ છે.

એન્કાઉન્ટર વિશે માહિતી આપતા જમ્મુ-કાશ્મીર પોલીસે જણાવ્યું કે, કુલગામના અશમુજી વિસ્તારમાં સેના અને આતંકવાદીઓ વચ્ચે એન્કાઉન્ટર ચાલી રહ્યું છે. પોલીસ અને સુરક્ષા દળો ઘટનાસ્થળે હાજર છે. સેનાએ કરેલી કાર્યવાહીમાં એક અજાણ્યો આતંકવાદી માર્યો ગયો છે. સમગ્ર વિસ્તારને કોર્ડન કરી લેવામાં આવ્યો છે અને જડબાતોડ જવાબ આપવામાં આવી રહ્યો છે.

કુલગામ પોલીસ અને સેનાએ એન્કાઉન્ટર સ્થળ પરથી શાળાના બાળકો સહિત 60 લોકોને બચાવ્યા હતા. બાતમીના આધારે સુરક્ષા દળોએ વિસ્તારમાં સર્ચ ઓપરેશન હાથ ધર્યું હતું, જે બાદ સુરક્ષા દળોએ બે આતંકીઓને ઘેરી લીધા હતા. જે બાદ ગુસ્સે ભરાયેલા આતંકવાદીઓએ જવાનો પર ગોળીબાર શરૂ કર્યો, ત્યારબાદ જવાબી કાર્યવાહીમાં સુરક્ષાદળોએ 1 આતંકીને ઠાર કર્યો. એન્કાઉન્ટર હજુ ચાલુ છે.

અગાઉ, કુલગામમાં સુરક્ષા દળો દ્વારા પાંચ આતંકવાદીઓને ઠાર કરવામાં આવ્યા હતા, જેમાંથી એકની ઓળખ આતંકવાદી સંગઠન ધ રેઝિસ્ટન્સ ફ્રન્ટ (TRF)ના કમાન્ડર અફાક સિકંદર તરીકે થઈ હતી.

#WATCH | J&K: An encounter is underway at Ashmuji area of Kulgam. One unidentified terrorist killed so far. School children among 60 people rescued from the site of encounter by Kulgam Police & Army.

(Source: Indian Army)

(Visuals deferred by unspecified time) pic.twitter.com/eVyTlvGi9V

— ANI (@ANI) November 20, 2021

English summary

Jammu and Kashmir: Terrorists cleared in Kulgam