• search
For Quick Alerts
ALLOW NOTIFICATIONS  
For Daily Alerts

જમ્મુ કાશ્મીરઃ બાંદીપોરામાં સુરક્ષાબળો અને આતંકીઓ વચ્ચે અથડામણ શરૂ, 1 આતંકી ઠાર, સર્ચ અભિયાન ચાલુ

|
Google Oneindia Gujarati News

શ્રીનગર(જમ્મુ અને કાશ્મીર): જમ્મુ કાશ્મીરના બાંદીપોરા જિલ્લામાં સોમવાર(11 ઓક્ટોબર)ના રોજ સવારે સુરક્ષાબળો અને આતંકીઓ વચ્ચે અથડામણ શરૂ થઈ ગઈ છે. થોડી વાર સુધી ફાયરિંગ થયા બાદ સેનાએ એક આતંકીને ઠાર માર્યો છે. જમ્મુ કાશ્મીર પોલિસે આ વિશે માહિતી આપી છે. સેનાએ આખા વિસ્તારની ઘેરાબંધી કરી છે. કાશ્મીર ઝોન પોલિસના ટ્વિટર હેન્ડલથી ટ્વિટ કરીને કહેવામાં આવ્યુ, 'બાંદીપોરાના ગુંડજહાંગીર હાજિન વિસ્તારમાં અથડામણ શરૂ થઈ ગઈ છે. પોલિસ અને સુરક્ષાબળ બંને સંયુક્ત રીતે મોરચો સંભાળી રહ્યા છે.'

આઈજીપી કાશ્મીર વિજય કુમારે આતંકીના માર્યા જવાની પુષ્ટિ કરીને કહ્યુ કે આ એ જ આતંકી હતો જેણે શાહગુંડમાં સૂમો ચાલકની હત્યા કરી હતી. હાલમાં આ વિસ્તારમાં સુરક્ષાબળોનુ સર્ચ ઑપરેશન પણ ચાલુ છે. આઈજીએ જણાવ્યુ કે આતંકીની ઓળખ ઈમ્તિયાઝ અહેમદ ડાર તરીકે થઈ છે જે પ્રતિબંધિત સંગઠન લશ્કર-એ-તૈયબા(ટીઆરએફ) સાથે જોડાયેલો હતો. ઈમ્તિયાઝ હાલમાં જ શાહગુંડમાં સામાન્ય નાગરિકની હત્યામાં શામેલ હતો. તમને જણાવી દઈએ કે બાંદીપોરામાં આ બીજુ એનકાઉન્ટર છે. આ પહેલા કોકરનાગમાં એક આતંકીને ઠાર મારવામાં આવ્યો હતો.

તમને જણાવી દઈએ કે આ પહેલા રવિવારની રાતે જમ્મુ કાશ્મીરના અનંતનાગ જિલ્લામાં સુરક્ષાબળોએ એક અજ્ઞાત આતંકીને ઠાર માર્યો હતો. આતંકી સાથે અથડામણમાં એક પોલિસકર્મી પણ ઘાયલ થઈ ગયો છે. આતંકીઓ સામે ઑપરેશન ચાલુ છે. એક પિસ્ટલ અને એક ગ્રેનેડ જપ્ત કરવામાં આવ્યા છે.

English summary
Jammu Kashmir: Encounter starts in Gundjahangir Bandipora
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X