• search
For Quick Alerts
ALLOW NOTIFICATIONS  
For Daily Alerts

હૈદર ફિલ્મમાં શાહિદ સાથે જોવા મળેલ કાશ્મીરી યુવાન બન્યો આતંકી, એન્કાઉન્ટરમાં ઠાર

|

નવ ડિસેમ્બરે જમ્મુ કાશ્મીરના શ્રીનગરના બહારની વિસ્તારમાં સુરક્ષાબળો અને આતંકવાદીઓ વચ્ચે અથડામણ થઈ હતી. આ અથડામણમાં ત્રણ આતંકવાદીઓ માર્યા ગયા હતા અને આ આતંકવાદીઓમાં એક બોલિવુડમાં કામ કરી ચૂકેલ એક્ટર હતો તો એક ધોરણ નવમાં ભણતો કિશોર. વર્ષ 2014માં રિલીઝ થયેલી ફિલ્મ 'હૈદર' માં શાહિદ કપૂર સાથે જોવા મળેલો સાકિબ અલી મુખ્યધારાથી હટીને આતંકવાદ સાથે જોડાઈ ગયો હતો. રવિવારે બાંદીપોરના હાજિનમાં સુરક્ષાબળોની અથડામણ થઈ હતી. આ અથડામણમાં જે આતંકવાદી માર્યા ગયા હતા તેમની ઓળખ લશ્કર-એ-તોઈબાના આતંકવાદીઓ તરીકે થઈ હતી. આ અથડામણ લગભગ 18 કલાક સુધી ચાલી હતી.

આ પણ વાંચોઃ કે ચંદ્રશેખર રાવે તેલંગાનાના મુખ્યમંત્રી પદના શપથ લીધા

માએ દીકરા માટે ખરીદ્યુ હતુ તાવીજ

માએ દીકરા માટે ખરીદ્યુ હતુ તાવીજ

જમ્મુ કાશ્મીર પોલિસ તરફથી મળેલી માહિતી મુજબ સાકિબ અને નવમાં ધોરણમાં ભણતો છાત્ર 31 ઓગસ્ટે ઘરેથી ગાયબ થઈ ગયા હતા. થિયેટર આર્ટિસ્ટ બિલાલના પરિવારવાળાને જ્યાં સુધી ખબર પડતી કે તેમનો પુત્ર આતંકવાદી બની ગયો છે ત્યાં સુધી તો ઘણુ મોડુ થઈ ચૂક્યુ હતુ. બિલાલના પરિવારે પોતાના લાડલાને ઘરે પાછો બોલાવવા માટે ઘણા પ્રયાસો કર્યા. માએ પોતાના પુત્રની સલામતી માટે એક મૌલવી પાસે તાવીજ બનાવડાવ્યુ હતુ. પરંતુ કંઈ પણ કામ ન લાગ્યુ. બિલાલના મામએ મીડિયા સાથે વાત કરી અને જણાવ્યુ કે લગભગ એક મહિનાથી વધુ સમય સુધી તેમણે દરેક જગ્યાએ ઘરના ચિરાગને શોધ્યો પરંતુ તેની કંઈ જાણ થઈ નહિ.

10માં ધોરણમાં 3 વિષયમાં હતા ડિસ્ટીંક્શન

10માં ધોરણમાં 3 વિષયમાં હતા ડિસ્ટીંક્શન

બિલાલને એન્જિનિયરીંગનો શોખ હતો અને પરિવારને આજ સુધી વિશ્વાસ નથી થઈ રહ્યો કે તેણે કેમ આતંકવાદનો રસ્તો પસંદ કર્યો. બિલાલ ઘરેથી એમ કહીને નીકળ્યો હતો કે તે ગ્રોસરીનો સામાન લેવા જઈ રહ્યો છે. લોકોએ તેને બાઈક પર બીજા બે લોકો સાથે જતા જોયો હતો. બિલાલે 10માં ધોરણની પરીક્ષા પાસ કરી લીધી હતી અને તેને ફિઝિક્સ, કેમેસ્ટ્રી અને ગણિતમાં ડિસ્ટિંક્શન માર્ક્સ મળ્યા હતા. તે 11માં ધોરણનો છાત્ર હતો અને ફૂટબોલનો દીવાનો હતો. આ ઉપરાંત બિલાલને તાઈક્વાંડો અને કબડ્ડીની રમતનો પણ શોખ હતો. બિલાલ એક સંપન્ન પરિવારમાંથી આવતો હતો જ્યારે તેની સાથે ગાયબ થયેલો બીજો છોકરો ગરીબ ઘરમાંથી આવતો હતો.

થિયેટરનો પણ ઉત્કૃષ્ટ કલાકાર હતો બિલાલ

થિયેટરનો પણ ઉત્કૃષ્ટ કલાકાર હતો બિલાલ

બિલાલના પરિવારની માનીએ તો એક્ટિંગના શોખીન બિલાલે વિશાલ ભારદ્વાજની ફિલ્મ ‘હૈદર'માં નાનો રોલ પણ કર્યો હતો. તે વખતે તે છઠ્ઠા ધોરણમાં ભણતો હતો. ‘હૈદર' ફિલ્મમાં બિલાલ બે સીનમાં જોવા મળ્યો હતો. એક સીનમાં તે એકદમ ચોકલેટી બોયની જેમ હતો તો એક સીનમાં તેણે બસમાં થનાર એક હુમલાને નિષ્ફળ કરવાનો શૉટ આપ્યોહતો. બિલાલને થિયેટરનો પણ શોખ હતો. ‘હૈદર' પહેલા તેણે એક સ્ટેજ શો પણ કર્યો અને તેનું નામ હતુ ‘વેથ ચી યાહી' એટલે કે ‘આ એક નદી છે'. આમાં બિલાલ મેઈન લીડમાં હતો અને તેને એવોર્ડ પણ મળ્યો હતો. બિલાલ પોતાના આ સ્ટેડ શોનું પર્ફોર્મન્સ આપવા માટે ઓડિશા પણ ગયો હતો.

અજાણતા મળી પુત્રના આતંકવાદી હોવાની જાણકારી

અજાણતા મળી પુત્રના આતંકવાદી હોવાની જાણકારી

બિલાલના પરિવારવાળાને ખબર પણ ના પડત કે તેમનો પુત્ર એનકાઉન્ટરમાં માર્યો ગયો જો લોકો એનકાઉન્ટરવાળ જગ્યાએ જોવા ના જાત. બંને યુવકોના મોત બાદ કાશ્મીર ઘાટીમાં ગુસ્સો અને દુઃખની સ્થિતિ છે. અહીં લોકો માત્ર આતંકી સંગઠનોથી જ નહિ પરંતુ સુરક્ષાબળોથી પણ નારાજ છે. તેમનું કહેવુ છે કે સુરક્ષાબળોએ કિશોર અને સગીરોને એનકાઉન્ટરમાં ન મારવા જોઈએ.

આ પણ વાંચોઃ Pic & Video: ઈશા અંબાણીના લગ્નમાં ઠહાકા લગાવતી એશ, શાહરુખ, સલમાન...

English summary
Jammu Kashmir: teen who was seen in Haider movie with Shahid Kapoor became terrorist killed in an encounter in Hajin, Bandipore.

For Breaking News from Gujarati Oneindia
Get instant news updates throughout the day.

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more