ગાઝિયાબાદ પોલીસ દ્વારા જેટ એરવેઝના વાઇસ પ્રેસિડન્ટની ધરપકડ
જેટ એરવેઝના વાઇસ પ્રેસિડન્ટ અવનીત સિંહ બેદીની ગાઝિયાબાદ પોલીસે ધરપકડ કરી છે.
જેટ એરવેઝના વાઇસ પ્રેસિડન્ટ(સિક્યોરિટી) અવનીત સિંહ બેદીની ઉત્તરપ્રદેશ, ગાઝિયાબાદની સાહિબાબાદ પોલીસે ધરપકડ કરી છે. તેમની પર મહાનગરપાલિકાની જમીન કબજે કરવાનો આરોપ છે. હાલ તેમની પૂછપરછ થઇ રહી છે. અવનીત સિંહ બેદી પર આરોપ છે કે, તેમણે નકલી દસ્તાવેજોનો ઉપયોગ કરી મહાનગરપાલિકાની જમીન પર કબજો કર્યો છે. આ મામલે મહાનગરપાલિકાના અધિકારીઓએ 21 જૂનના રોજ પોલીસમાં ફરિયાદ નોંધાવી હતી.
Jet Airways Vice President(Security) Col. Avneet Singh Bedi arrested by Sahibabad Police on charges of grabbing municipal corporation land pic.twitter.com/gZb5SaW8hT
— ANI UP (@ANINewsUP) July 2, 2017
આ ફરિયાદના આધારે પોલીસે આ મામલે તપાસ શરૂ કરી હતી, આરોપોમાં તથ્ય જણાતાં રવિવારે સવારે અવનીત સિંહ બેદીની ધરપકડ કરવામાં આવી છે. ગાઝિયાબાદ મહાનગરપાલિકાની 30 કરોડની કિંમત પર તેમણે કબજો કર્યો હોવાનો આરોપ છે. પોલીસનું કહેવું છે કે, જેટ એરવેઝના અધિકારીઓને આ ધરપકડ અંગે જાણકારી આપવામાં આવી છે.