Karnataka Floor Test Live Updates:મુંબઈની હોસ્પિટલે પહોંચી કર્ણાટક પોલીસ, શ્રીમંત પાટિલ અહીં દાખલ છે

બેંગ્લોરઃ કર્ણાટક વિધાનસભામાં ગુરુવારે વિશ્વાસ મત પરીક્ષણ ન થઈ શક્યું. દિવસભર સદનમાં ભાજપ-કોંગ્રેસ ધારાસભ્યો એકબીજા પર આરોપો લગાવતા રહ્યા અને હંગામો થતો રહ્યો. સાંજે સ્પીકરે વિધાનસભા શુક્રવાર સુધી સ્થગિત કરી દીધી. ફ્લોર ટેસ્ટ ન કરાવવા પર ભાજપના ધારાસભ્ય વિધાનમાં જ ધરણા પર બેસી ગયા. મુખ્યમંત્રી એચડી કુમારસ્વામીએ સદનમાં ભાજપ પર સરકારને અસ્થિર કરવાનો આરોપ લગાવ્યો છે તો બીજી બાજુ ભાજપ કોંગ્રેસ-જેડીએસ પર જાણીજોઈને મતદાનમાં મોડું કરવાનો આરોપ લગાવી રહી છે. સદનમાં કોંગ્રેસ ધારાસભ્ય શ્રીમંત પાટિલ અચાનક બીમાર થવા ર પણ હંગામો થયો, જેના પર સ્પીકરે રિપોર્ટ માંગ્યો. ભાજપ ધારાસભ્યોએ કર્ણાટકના રાજ્યપાલ સાથે મુલાકાત કરી જે બાદ રાજ્યપાલે સ્પીકરને ગુરુારે જ ફ્લોર ટેસ્ટ કરાવવાનો વિચાર કરવા કહ્યું, જો કે સ્પીકરે ગુરુવાર માટે વિધાનસભા સ્થગિત કરી દીધી હતી ત્યારે હવે શુક્રવારે ફ્લોર ટેસ્ટ થશે.