Click it and Unblock the Notifications
Just In
-
-
-
-
Don't Miss
-
તમારો પાસવર્ડ હૅક થઈ શકે એમ છે કે નહીં? બસ આ રીતે જાણો -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
કર્ણાટક હિજાબ વિવાદ: શિમોગામાં વિદ્યાર્થીએ ત્રિરંગો ઉતારી ભગવો ધ્વજ ફરકાવ્યો!
કર્ણાટકમાં હિજાબ પર પ્રતિબંધને લઈને ચાલી રહેલો વિવાદ સતત ઘેરો બનતો જઈ રહ્યો છે. આ દરમિયાન એક વીડિયો સામે આવ્યો છે. જેમાં શિમોગાની એક કોલેજમાં એક છોકરો પોલ પર ચડીને ભગવો ધ્વજ લહેરાવતો જોવા મળે છે.
બેંગલુરુ, 08 ફેબ્રુઆરી : કર્ણાટકમાં હિજાબ પર પ્રતિબંધને લઈને ચાલી રહેલો વિવાદ સતત ઘેરો બનતો જઈ રહ્યો છે. આ દરમિયાન એક વીડિયો સામે આવ્યો છે. જેમાં શિમોગાની એક કોલેજમાં એક છોકરો પોલ પર ચડીને ભગવો ધ્વજ લહેરાવતો જોવા મળે છે. મીડિયા રિપોર્ટ્સ અનુસાર, આ યુવકે પોલ પરનો ત્રિરંગો હટાવીને તેની જગ્યાએ ભગવો ધ્વજ ફરકાવ્યો હતો. વીડિયોમાં પોલ નીચે ઉભેલા વિદ્યાર્થીઓ જય શ્રી રામના નારા લગાવતા જોવા મળે છે. ત્યાં એકઠા થયેલા મોટાભાગના વિદ્યાર્થીઓ ભગવા ધ્વજ લહેરાવતા હો અથવા તો સ્ટોલ લહેરવી રહ્યા છે.
ઈન્ડિયા ટુડેના અહેવાલ મુજબ, શિમોગામાં મંગળવારે સવારે થયેલી પથ્થરમારાની ઘટના બાદ કલમ 144 લાગુ કરી દેવામાં આવી છે. આ ઘટના પર પ્રતિક્રિયા આપતા કર્ણાટક કોંગ્રેસના પ્રમુખ ડીકે શિવકુમારે કહ્યું કે, "કર્ણાટકમાં કેટલીક શૈક્ષણિક સંસ્થાઓની સ્થિતિ એટલી ખરાબ થઈ ગઈ છે કે એક કિસ્સામાં રાષ્ટ્રધ્વજને ભગવા ધ્વજથી બદલવામાં આવ્યો. મને લાગે છે કે જવાબદાર સંસ્થાઓને સજા થવી જોઈએ. કાયદો અને વ્યવસ્થા પુનઃસ્થાપિત કરવા માટે એક સપ્તાહ માટે બંધ કરવામાં આવે. અભ્યાસ ઓનલાઇન ચાલુ રાખી શકાશે.
આ દરમિયાન સરકારે કોલેજોને સૂચના આપી છે કે જ્યારે પણ તેમને લાગે કે તેમની જગ્યાએ વાતાવરણ ખરાબ થઈ રહ્યું છે તો તેઓ 2-3 દિવસની રજા જાહેર કરી શકે છે. મંગળવારે કર્ણાટકમાં હાઈકોર્ટમાં સુનાવણી પહેલા ભગવા પટ્ટા અને હિજાબ પહેરેલા વિદ્યાર્થીઓએ કોલેજની બહાર વિરોધ કરવાનું શરૂ કર્યું. બાગલકોટમાં પથ્થરમારા બાદ વિરોધ હિંસક બન્યો અને પોલીસે લાઠીચાર્જ કરવો પડ્યો.
कर्नाटक की तस्वीरें डराने वाली है। तिरंगा की जगह भगवा ध्वज। शर्मनाक। pic.twitter.com/2qUQGZ62OB
— Hansraj Meena (@HansrajMeena) February 8, 2022
બીજી તરફ કર્ણાટકની અન્ય એક કોલેજમાં ભગવા પટ્ટા પહેરેલા વિદ્યાર્થીઓએ મંગળવારે હિજાબ પહેરીને સ્કૂલ પહોંચેલી છોકરીને ઘેરી લીધી અને તેની સામે જય શ્રી રામના નારા લગાવવા લાગ્યા. આ પછી આ વિદ્યાર્થીએ 'અલ્લાહુ અકબર'ના નારા લગાવીને વિદ્યાર્થીઓનો વિરોધ કર્યો હતો. છોકરાઓનું આ જૂથ ખૂબ દૂર સુધી છોકરીને અનુસરતું હતું. છોકરાઓ શાળાના શિક્ષકોની વાત પણ સાંભળવા તૈયાર ન હતા.
