• search
For Quick Alerts
ALLOW NOTIFICATIONS  
For Daily Alerts

લેડી સબ ઈન્સ્પેક્ટરે રેપિસ્ટ સાથે Facebook પર દોસ્તી કરી, પછી કેવી રીતે ધકેલ્યો જેલ પાછળ જાણો

|
Google Oneindia Gujarati News

નવી દિલ્લીઃ દિલ્લી પોલિસની એક લેડી સબ ઈન્સ્પેક્ટરે રેપના આરોપીની ધરપકડ કરવા માટે અનોખી રીત અપનાવી. લેડી એસઆઈએ આરોપીને દોસ્તીના ટ્રેપમાં ફસાવીને સળિયા પાછળ ધકેલી દીધો છે. લેડી સબ ઈન્સ્પેક્ટરની બહાદૂરીના દરેક જણ કાયલ થઈ ગયા છે. 24 વર્ષીય આરોપીએ એક સગીર બાળકી પર રેપ કરીને ગર્ભવતી કરી દીધી હતી. ત્યારબાદથી તે પોલિસની ચુંગાલમાંથી બહાર હતો. લેડી પોલિસ ઓફિસરે આરોપીને ચુંગાલમાં ફસાવવા માટે ફેસબુકનો ઉપયોગ કર્યો.

16 વર્ષની સગીર બાળકીએ કર્યો હતો રેપ

16 વર્ષની સગીર બાળકીએ કર્યો હતો રેપ

વાસ્તવમાં એક 16 વર્ષની સગીર બાળકીનુ એબૉર્શન કરાવવા માટે તેના પરિવારવાળા હોસ્પિટલ લઈને ગયા હતા. જ્યારે ડૉક્ટરને ખબર પડી કે સગીર બાળકી ગર્ભવતી છે અને પરિવારવાળા તેનુ એબૉર્શન કરાવવા માંગે છે ત્યારે ડૉક્ટરે સમગ્ર બાબતની જાણ દિલ્લી પોલિસને કરી. દિલ્લી પોલિસે પરિવારવાળા સાથે વાત કરી પરંતુ પરિવારવાળા બદનામીના ડરના કારણે આ મામલે કોઈ ફરિયાદ કરવા માંગતા નહોતા.

પોલિસ પાસે આરોપીનો કોઈ સુરાગ નહોતો

પોલિસ પાસે આરોપીનો કોઈ સુરાગ નહોતો

દિલ્લી પોલિસના અધિકારીઓ દ્વારા સમજાવ્યા બાદ પીડિત પરિવાર જેમ-તેમ કરીને ફરિયાદ કરવા માટે તૈયાર થયા અને પોલિસે પીડિતાની ફરિયાદ પર કેસ નોંધીને આરોપીની શોધ શરુ કરી દીધી. પીડિત પાસે આરોપીનો કોઈ મોબાઈલ નંબર નહોતો. પીડિતે આરોપીનુ નામ આકાશ જૈન ઉર્ફે રાહુલ જણાવ્યુ હતુ. પરંતુ પોલિસ માટે સૌથી મોટો પડકાર એ હતો કે તેમની પાસે આરોપીનો ના તો કોઈ ફોટો હતો અને ના પીડિતાને એ ખબર હતી કે તે ક્યાં રહેતો હતો.

પ્રિયંકાને મળી કેસ ઉકેલવાની જવાબદારી

પ્રિયંકાને મળી કેસ ઉકેલવાની જવાબદારી

દિલ્લી પોલિસે પોતાની એક મહિલા સબ ઈન્સ્પેક્ટર પ્રિયંકાને આ કેસ ઉકેલવા માટે આપ્યો. સૌથી પહેલા સબ ઈન્સ્પેક્ટર પ્રિયંકા સૈનીએ આ નામના બધા લોકોને સોશિયલ મીડિયા પર શોધ્યા. લેડી પોલિસ અધિકારીએ પ્રિયંકા નામથી એક ફેસબુક આઈડી બનાવ્યુ. પ્રિયંકાએ આકાશ નામના દિલ્લીમાં રહેતા ઘણા લોકોને ફ્રેન્ડ રિક્વેસ્ટ મોકલી. જેમાં તે આરોપી પણ શામેલ હતો. પ્રિયંકાએ ઘણા યુવકો સાથે વાત કરવાની કોશિશ કરી. તેને ત્યાંથી ખાસ રિસ્પૉન્સ ન મળ્યો પરંતુ આરોપી સાથે જ્યારે વાત કરી ત્યારે તે લેડી ઑફિસર સાથે વાત કરવા લાગ્યો.

ફેસબુક પર કરી આરોપી સાથે દોસ્તી

ફેસબુક પર કરી આરોપી સાથે દોસ્તી

ત્યારબાદ પ્રિયંકા અને આકાશનુ ચેટિંગ શરૂ થઈ ગયુ. ચેટિંગ દરમિયાન બંનેએ એકબીજાના નંબર શેર કર્યા. જ્યારે ફેસબુક પર યુવક સાથે દોસ્તી થઈ ગઈ ત્યારે મહિલા એસઆઈએ આરોપીને મળવા માટે બોલાવ્યો. આ દરમિયાન તેમની વચ્ચે વીડિયો કૉલ પર પણ વાતો થઈ. આરોપીનો વિશ્વાસ જીત્યા બાદ 31 જુલાઈએ આરોપીને પ્રિયંકાએ મળવા માટે કહ્યુ ત્યારે તેણે દશરથ પુરી મેટ્રો સ્ટેશન પર મળવા માટે બોલાવી. પ્રિયંકા સાદા ડ્રેસમાં તેને મળવા માટે પહોંચી પરંતુ તેની એક ટીમ પણ સાદા ડ્રેસમાં તેની આસપાસ હતી.

આરોપીને મળવા માટે પ્રિયંકાએ બોલાવ્યો

આરોપીને મળવા માટે પ્રિયંકાએ બોલાવ્યો

જ્યારે પ્રિયંકા દશરથ પુરી મેટ્રો સ્ટેશન પર પહોંચી તો આરોપીએ કહ્યુ કે હું સેક્ટર એકમાં પહોંચી ચૂક્યો છુ પરંતુ અત્યારે આવી નહિ શકુ તો શ્રી માતા મંદિર પર જો તુ આવી શકતી હોય તો આવ. ત્યારબાદ પ્રિયંકા પોતાની ટીમ સાથે એ જગ્યાએ પહોંચી. ઘણી વાર રાહ જોયા પછી તે યુવક આવ્યો. આરોપી રેસ્ટોરાંમાં મહિલા સબ ઈન્સ્પેક્ટર પ્રિયંકાને મળવા માટે જેવો ત્યાં પહોંચ્યો તેવો દિલ્લી પોલિસની ટીમે આરોપીને પકડી લીધો.

આરોપી ઘણી છોકરીઓનુ કરી ચૂક્યો છે યૌન શોષણ

આરોપી ઘણી છોકરીઓનુ કરી ચૂક્યો છે યૌન શોષણ

પૂછપરછ દરમિયાન તેણે ખુલાસો કર્યો કે તે દ્વારકામાં એક બંગડીની દુકાનમાં કામ કરે છે. છેલ્લા દોઢ વર્ષમાં ઘણી છોકરીઓ સાથે આવુ કરી ચૂક્યો છે. પોલિસે પીડિત છોકરી સાથે આરોપીની ઓળખ પણ કરાવી. આ ઉપરાંત પોલિસે પોતાના ઘણા સોર્સથી તેની ઓળખને કન્ફર્મ કરી. હાલમાં આરોપી સળિયા પાછળ છે પરંતુ લેડી સબ ઈન્સ્પેક્ટર પ્રિયંકાની હિંમતની દરેક જણ પ્રશંસા કરી રહ્યુ છે.

English summary
Lady Sub Inspector befriends rapist on Facebook, then how pushed behind bars, know here.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X