Video: આતંકીઓએ જારી કર્યો સેનાના જવાન ઔરંગઝેબનો અંતિમ વીડિયો
આતંકીઓએ 44 રાષ્ટ્રીય રાઈફલ્સના જવાન ઔરંગઝેબનો એક વીડિયો શુક્રવારે જારી કર્યો છે. આ વીડિયો ઔરંગઝેબની હત્યાની પહેલાનો છે.
આતંકીઓએ 44 રાષ્ટ્રીય રાઈફલ્સના જવાન ઔરંગઝેબનો એક વીડિયો શુક્રવારે જારી કર્યો છે. આ વીડિયો ઔરંગઝેબની હત્યાની પહેલાનો છે. રાઈફલમેન ઔરંગઝેબ 44 રાષ્ટ્રીય રાઈફલ્સ સાથે તૈનાત હતા અને આતંકીઓએ ગુરુવારે તેમનું અપહરણ એ સમયે કર્યુ જ્યારે તે ઈદની રજાઓ માટે પોતાના ઘરે જઈ રહ્યા હતા. પુલવામાંથી 10 કિલોમીટર દૂર ગુસૂ ગામમાં ગોળીઓ ચલાવી પુંછના રહેવાસી ઔરંગઝેબની હત્યા કરી દીધી. તેમની લાશ પોલિસ અને સેનાની સર્ચ ટીમને મળી હતી.
આતંકી કરી રહ્યા હતા પૂછપરછ
આ વીડિયોમાં આતંકી ઔરંગઝેબની પૂછપરછ કરતા જોવા મળે છે. આતંકીઓએ આ અંતિમ વીડિયો સોશિયલ મીડિયા પર અપલોડ કર્યો છે. વીડિયોમાં તેમણે કાળી ટી-શર્ટ અને વાદળી જીન્સ પહેરેલુ છે અને તેઓ આતંકીઓના સવાલોના જવાબો આપી રહ્યા છે. વીડિયોમાં તે કહેતા દેખાય છે કે તેમણે અને મેજર રોહિત શુક્લાએ કાશ્મીરમાં સમીર ટાઈગર સહિત ઘણા આતંકીઓને માર્યા છે. ઔરંગઝેબે આતંકીઓને જણાવ્યુ કે તેણે મેજર રોહિત શુક્લા સાથે મળી લશ્કર-એ-તૈયબાના ત્રણ ટૉપ કમાન્ડર્સ અને જૈશ-એ-મોહમ્મદના કમાન્ડર્સને માર્યા છે. ગુરુવારની સાંજે તેમનો મૃતદેહ મળી હતો. ગુરુવારે સવારે આતંકીઓએ તેમનું અપહરણ કર્યુ હતુ.
પિતાએ આપ્યુ બદલો લેવાનું અલ્ટીમેટમ
પોલિસ તરફથી આપવામાં આવેલી જાણકારી મુજબ આતંકીઓએ ઔરંગઝેબના માથા અને ગળામાં ગોળી મારી છે. રાઈફલમેન ઔરંગઝેબ 4 જમ્મુ કાશ્મીર લાઈટ ઈન્ફેન્ટ્રીના જવાન હતા પરંતુ શોપિયાના શાદીમર્ગ સ્થિત 44 રાષ્ટ્રીય રાઈફલ્સના કેમ્પ સાથે જોડાયેલા હતા. ઔરંગઝેબના પિતાએ શુક્રવારે રાજ્ય અને કેન્દ્ર સરકારને અલ્ટીમેટમ આપ્યુ છે કે તે 72 કલાકની અંદર તેમના પુત્રના હત્યારાને શોધે નહિતર તે પોતે પોતાના દીકરાની મોતનો બદલો લેવા માટે નીકળી પડશે. તેમણે પ્રધાનમંત્રી નરેન્દ્ર મોદીને અપીલ કરતા કહ્યુ કે, "હું નરેન્દ્ર મોદીને મારા પુત્રના હત્યારાને શોધવા માટે 72 કલાકનો સમય આપુ છુ નહિતર પછી હું જાતે મારા પુત્રના મોતનો બદલો હત્યારાઓ પાસેથી લઈશ."