લોકડાઉન 5ની થઇ શકે છે જાહેરાત, 15 જુન સુધી રહેશે અમુક પ્રતિબંધ

એવા અહેવાલો છે કે કેન્દ્ર સરકાર 31 મે પછી પણ આગામી 15 દિવસ માટે લોકડાઉન -5 ની ઘોષણા કરી શકે છે. દેશમાં છેલ્લા કેટલાક દિવસોમાં કોરોના ચેપના કેસોમાં જે ગતિ વધી છે તે પછી સરકાર દ્વારા આવા પગલા લેવામાં આવે તેવી અપેક્ષા છે. જો કે, એવી અપેક્ષા રાખવામાં આવે છે કે લોકડાઉન -5માં થોડી વધુ છૂટ મળશે અને મુખ્ય ધ્યાન કોરોના વાયરસ ગ્રસ્ત દેશના 11 શહેરો પર રહેશે. માનવામાં આવે છે કે આ શહેરોમાં લોકડાઉન નિયમોનો કડક અમલ કરવામાં આવશે, જ્યારે દેશના બાકીના ભાગોમાં થોડી વધુ છૂટ આપી શકાય છે.