• search
For Quick Alerts
ALLOW NOTIFICATIONS  
For Daily Alerts

Lok Sabha Election Results 2019: ભાજપે રચ્યો ઈતિહાસ, 288 પર જીત, 15 પર આગળ

|
Google Oneindia Gujarati News

લોકસભા ચૂંટણીના પરિણામો લગભગ સ્પષ્ટ થઈ ચૂક્યા છે. ચૂંટણી પંચની અધિકૃત ઘોષણા અનુસાર ભારતીય જનતા પાર્ટી અત્યાર સુધીની સૌથી મોટી પાર્ટી બનીને ઉભરી છે અને એકલા પોતાના દમ પર ભાજપે 288 સીટો પર જીત મેળવી લીધી છે જ્યારે 15 સીટો પર આગળ ચાલી રહી છે. એટલે કે ભાજપના ખાતામાં 303 સીટો જતી દેખાઈ રહી છે. વળી, કોંગ્રેસની વાત કરીએ તો એક વાર ફરીથી કોંગ્રેસને શરમજનક હારનો સામનો કરવો પડ્યો છે. કોંગ્રેસને માત્ર 50 સીટો પર જીત મળી છે જ્યારે 2 સીટો પર તે આગળ ચાલી રહી છે એટલે કે કુલ મળીને 52 સીટો મળતી દેખાઈ રહી છે.

એક વાર ફરીથી કોંગ્રેસને લોકસભામાં વિપક્ષનો દરજ્જો મેળવવામાં મુશ્કેલી થશે. તમને જણાવી દઈએ કે વિપક્ષના નેતાનું પદ એ પાર્ટીને મળે છે જેની પાસે ઓછામાં ઓછી 55 સીટો હોય. ગઈ લોકસભા ચૂંટણીમાં પણ કોંગ્રેસ માત્ર 44 સીટો પર જીત મેળવી શકી હતી. આ લોકસભા ચૂંટણીમાં સૌથી મોટી ઉલટફેરની વાત કરીએ તો અમેઠીમાં કોંગ્રેસ અધ્યક્ષ રાહુલ ગાંધીએ હારનો સામનો કરવો પડ્યો છે. અહીંથી ભાજપ ઉમેદવાર સ્મૃતિ ઈરાનીએ રાહુલ ગાંધીને મ્હાત આપી છે. વળી બીજો એક મોટો ઉલટફેર મધ્ય પ્રદેશમાં જોવા મળ્યો છે. કોંગ્રેસના દિગ્ગજ નેતા જ્યોતિરાદિત્ય સિંધિયાને પણ આ ચૂંટણીમાં હારનો સામનો કરવો પડ્યો છે.

ભોપાલના કોંગ્રેસના વરિષ્ઠ નેતા દિગ્વિજય સિંહને સાધ્વી પ્રજ્ઞા સામે હારનો સામનો કરવો પડ્યો છે. જ્યારે ભાજપ છોડી કોંગ્રેસમાં શામેલ થયેલા શત્રુઘ્ન સિન્હાને કેન્દ્રીય મંત્રી રવિશંકર પ્રસાદે 284657 મતોથી કારમી હાર આપી છે. કોંગ્રેસ પાર્ટીનીશરમજનક હાર બાદ કોંગ્રેસ અધ્યક્ષ રાહુલ ગાંધીએ પ્રધાનમંત્રી નરેન્દ્ર મોદીને જીતના અભિનંદન આપીને કહ્યુ કે અમે આ જનાદેશનો સ્વીકાર કરીએ છીએ અને અને આ પરિણામ પાછળના કારણોનું વિશ્લેષણ કરીશુ.

આ પણ વાંચોઃ આગલા 25 વર્ષો સુધી મોદીને હરાવનાર કોઈ નથીઃ શિવસેનાઆ પણ વાંચોઃ આગલા 25 વર્ષો સુધી મોદીને હરાવનાર કોઈ નથીઃ શિવસેના

English summary
Lok Sabha Election Results 2019: BJP creates history set to bag 303 seats.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X