• search
For Quick Alerts
ALLOW NOTIFICATIONS  
For Daily Alerts

કડક સુરક્ષા વ્યવસ્થાની વચ્ચે મધ્ય પ્રદેશ અને મિઝોરમમાં મતદાન શરૂ

|

ભોપાલ/આઇઝોલ, 25 નવેમ્બર: સોમવારે મધ્ય પ્રદેશ અને મિઝોરમમાં વિધાનસભા ચૂંટણી માટે મતદાન શરૂ થઇ ગયું છે. મધ્ય પ્રદેશમાં વિધાનસભા ચૂંટણી માટે કડક સુરક્ષા વ્યવસ્થા ગોઠવવામાં આવી છે. આ દરમિયાન રાજ્યમાં 230 વિધાનસભા વિસ્તાર માટે 4.66 કરોડથી વધારે મતદાતાઓ પોતાના મતાધિકારનો પ્રયોગ કરશે. રાજ્યની 230 વિધાનસભા સીટો માટે 2, 586 ઉમેદવાર ચૂંટણી મેદાનમાં છે. અત્રે એક તબક્કામાં મતદાન થઇ રહ્યું છે.

ઘણા સ્થળો પર મતદાન શરૂ થયા પહેલા જ લોકો પહોંચીં ગયા હતા. નક્સલ પ્રભાવિત બાલાઘાટ જિલ્લાના ત્રણ વિધાનસભા વિસ્તારોમાં મતદાન સવારે સાત વાગ્યે શરૂ થયું, જ્યારે બાકીની 227 બેઠકો માટે મતદાન સવારે આઠ વાગે શરૂ કરવામાં આવ્યું. મતદાનને શાંતિપૂર્વક સંપન્ન કરાવવા માટે સુરક્ષાની પૂરતી વ્યવસ્થા ઉભી કરવામાં આવી છે. રાજ્ય પોલીસની સાથે અર્ધસૈનિક દળને પણ ખડેપગે કરાયા છે. તેમજ નક્સલ પ્રભાવિત બાલાઘાટ અને સિંગરૌલીમાં હેલિકોપ્ટરથી નઝર રાખવામાં આવી રહી છે. આની સાથે જ અન્ય રાજ્યો સાથે જોડાયેલ 35 સીમાઓને સીલ કરી દેવામાં આવી છે.

મિઝોરમની વાત કરીએ તો અત્રે 40 વિધાનસભા બેઠકો માટે મતદાનની પ્રક્રિયા સોમવારે સવારે સાત વાગ્યે શરૂ કરવામાં આવી. રાજ્યના 6.8 લાખથી વધારે મતદાતાઓ આ ચૂંટણીમાં પોતાનો મતાધિકારનો ઉપયોગ કરશે. જેમાં 142 ઉમેદવાર પોતાનું નસીબ અજમાવા જઇ રહ્યા છે. અત્રે મતગણતરી 9 ડિસેમ્બરથી શરૂ થશે.

નવા ઉપકરણો વોટર-વેરિફાઇડ પેપર ઓડિટ ટ્રેલ(વીવીપીએટી) અંતર્ગત 10 વિધાનસભા બેઠકો પર મતદાન કરાવવામાં આવી રહ્યા છે. હાલની વિધાનસભામાં કોંગ્રેસના 30 અને મિઝો નેશનલ ફ્રંટના ત્રણ વિધાયક છે.

દેશમાં પહેલીવાર રાજ્યના દસ વિધાનસભા વિસ્તારમાં મતદાન કરવાની પરચી (વીવીપીએટી) પ્રક્રીયાનો મોટા પાસે ઉપયોગ કરવામાં આવી રહ્યો છે. આ પહેલા નાગાલેન્ડમાં સપ્ટેમ્બર મહિનામાં થયેલા વિધાનસભાની પેટા ચૂંટણીમાં પહેલીવાર આનો પ્રયોગ કરવામાં આવ્યો હતો.

વીવીપીએટી ઇવીએમ સાથે જોડાયેલ એક મશીન છે, જેના દ્વારા મતદાતા એની ખાતરી કરી શકે છે કે તેમની ઇચ્છા અનુસાર વોટ પડ્યો છે કે નહીં. મિઝોરમમાં સામાન્ય ઉમેદવારો માટે દક્ષિણ લુંગલેઇ જ એકમાત્ર બેઠક છે, બાકી તમામ બેઠકો અનુસૂચિત જાતિના ઉમેદવારો માટે આરક્ષિત છે.

મુખ્યમંત્રી લલથનવાલા(કોંગ્રેસ) પોતાના ગૃહ પ્રદેશ સેરચિપ અને હરાંગતુરજરે બેઠકથી ચૂંટણી લડી રહ્યા છે. જ્યારે વિપક્ષના એમએનએફના નેતા અને પૂર્વ મુખ્યમંત્રી જોરમથંગા મ્યાંમા સીમીથી પૂર્વ તુઇપુઇ બેઠક પરથી પોતાનું નસીબ અજમાવી રહ્યા છે.

English summary
Madhya Pradesh and Mizoram begins voting for 230 and 40 seats.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X