ન્યાય યોજના પર મેનકા ગાંધીનો કટાક્ષ, રાહુલ ગાંધીને ગણાવ્યા ‘શેખચિલ્લી'
બુધવારે ભાજપ નેતા અને કેન્દ્રીય મંત્રી મેનકા ગાંધીએ રાહુલ ગાંધીને શેખચિલ્લી ગણાવ્યા છે.
લોકસભા ચૂંટણી 2019 માટે વોટિંગનો દિવસ નજીક આવવા સાથે સાથે નેતાઓ વચ્ચે વાક યુદ્ધ પણ જામવા લાગ્યુ છે. આ ક્રમમાં બુધવારે ભાજપ નેતા અને કેન્દ્રીય મંત્રી મેનકા ગાંધીએ રાહુલ ગાંધીને શેખચિલ્લી ગણાવ્યા છે. આ ઉપરાંત તેમણે કહ્યુ કે તે એમની વાતોનો જવાબ નથી આપી શકતા. વાસ્તવમાં મેનકા ગાંધી પાસે કોંગ્રેસ અધ્યક્ષ રાહુલ ગાંધીના એ નિવેદન પર પ્રતિક્રિયા માંગવામાં આવી જેમાં તેમણે ચૂંટણી જીતવા માટે લઘુત્તમ આવક યોજનાનું એલાન કર્યુ હતુ.
ગરીબ પરિવારોને 72 હજાર રૂપિયા
તમને જણાવી દઈએ કે લોકસભા ચૂંટણી પ્રચાર વચ્ચે કોંગ્રેસ અધ્યક્ષ રાહુલ ગાંધીએ સોમવારે લઘુત્તમ આવક ગેરેન્ટી યોજના વિશે મોટુ એલાન કર્યુ હતુ. રાહુલ ગાંધીએ એલાન કર્યુ છે કે કોંગ્રેસ સત્તામાં આવશે તો આ સ્કીમ હેઠળ દેશના 20 ટકા સૌથી ગરીબ પરિવારોને 72 હજાર રૂપિયા વાર્ષિક આપશે. તેમણે જણાવ્યુ કે દરેક પરિવારની આવક કમસે કમ 12 હજાર રૂપિયા પ્રતિ માસ સુનિશ્ચિત કરવામાં આવશે. કોઈ પરિવારની આવક 12 હજાર રૂપિયાથી ઓછી હોય તો સરકાર બાકીના પૈસા આપીને 12 હજાર રૂપિયા મહિનાની આવક સુનિશ્ચિત કરશે. એટલે કે 12,000થી ઓછી આવકવાળા પરિવાર આ સ્કીમ હેઠળ આવશે.
Union Minister Maneka Gandhi on Minimum Income Scheme announced by Congress President Rahul Gandhi: I don't answer to 'Sheikhchillis' (day-dreamer) pic.twitter.com/E2zQ5PFBX4
— ANI (@ANI) 27 March 2019
આ યોજનાથી 25 કરોડ લોકોને મળશે લાભ
રાહુલ ગાંધીએ જણાવ્યુ કે લઘુત્તમ આવક ગેરેન્ટી યોજના હેઠળ 5 કરોડ પરિવાર અને 25 કરોડ લોકો સીધા લાભાન્વિત થશે. આ પૈસા સીધા પરિવારોના ખાતામાં જશે. રાહુલે કહ્યુકે લોકો મને પૂછે છે કે લઘુત્તમ આવકની લાઈન શું થશે તો હું જણાવી દઉ કે લાઈન જે છે એ 12,000 રૂપિયા મહિના હશે. પ્રેસ કોન્ફરન્સાં રાહુલ ગાંધીએ કહ્યુ કે તે દેશની ગરીબીને ખતમ કરવા ઈચ્છે છે અને આના માટે તે આ સ્કીમ લઈને આવ્યા છે.
આ પણ વાંચોઃ પાંચ વર્ષમાં કેટલી વધી મથુરાથી ભાજપના સાંસદ હેમા માલિનીની સંપત્તિ?