• search
For Quick Alerts
ALLOW NOTIFICATIONS  
For Daily Alerts

માંડવિયા પરિવારની ઈચ્છા વિરૂદ્ધ ફોટોગ્રાફર સાથે આવ્યાનો મનમોહન સિંહની પુત્રીનો આરોપ!

By Desk
|
Google Oneindia Gujarati News

નવી દિલ્હી, 15 ઓક્ટોબર : ભૂતપૂર્વ વડાપ્રધાન મનમોહન સિંહને બુધવારથી દિલ્હીની ઓલ ઇન્ડિયા ઇન્સ્ટિટ્યૂટ ઓફ મેડિકલ સાયન્સમાં દાખલ કરવામાં આવ્યા છે. મનમોહન સિંહની હાલત સ્થિર છે અને તેમની તબિયતમાં સુધારો થઈ રહ્યો છે. કેન્દ્રીય આરોગ્ય મંત્રી મનસુખ માંડવિયા પૂર્વ વડાપ્રધાનની હાલત પૂછવા એઈમ્સ ગયા હતા. તેમની મુલાકાત હવે વિવાદોમાં ઘેરાઈ છે. મનસુખ માંડવિયાની મુલાકાતની તસવીરો સામે આવી હતી. જે બાદ લોકોએ પૂર્વ પીએમની ગોપનીયતાને લઈને મનસુખ માંડવિયાને નિશાન બનાવ્યા હતા. પરંતુ હવે આ કેસમાં મનમોહન સિંહની પુત્રીએ મોટો આરોપ લગાવ્યો છે.

ધ હિન્દુના અહેલાલ અનુસાર, શુક્રવારે એક નિવેદનમાં ડો. સિંઘની પુત્રી દમન સિંહે જણાવ્યું હતું કે, કેન્દ્રીય આરોગ્ય મંત્રી મનસુખ માંડવીયાની મુલાકાત દરમિયાન ભૂતપૂર્વ વડાપ્રધાનના રૂમમાં ફોટોગ્રાફરની હાજરી સામે તેની માતાએ વાંધો ઉઠાવ્યો હતો પરંતુ તેની અવગણના કરવામાં આવી હતી. મારા પિતા એઈમ્સમાં ડેન્ગ્યુની સારવાર લઈ રહ્યા છે. તેની સ્થિતિ સ્થિર છે પરંતુ તેની રોગપ્રતિકારક શક્તિ ઓછી છે. ચેપના જોખમને કારણે અમે મુલાકાતીઓને પ્રતિબંધિત કર્યા છે.

દમન સિંહે કહ્યું કે, આરોગ્ય મંત્રીની મુલાકાત અને તેમને ચિંતા વ્યક્ત કરી તેનો આનંદ થયો. પરંતુ મારા માતાપિતા તે સમયે ફોટોગ્રાફ પડાવી શકે તેવી સ્થિતીમાં નહોંતા. મારી માતાએ આગ્રહ કર્યો કે ફોટોગ્રાફરે રૂમ છોડવો જોઈએ, પરંતુ તેની સંપૂર્ણપણે અવગણવામાં આવી. તે ખૂબ જ પરેશાન હતી. મારા માતાપિતા મુશ્કેલ પરિસ્થિતિનો સામનો કરવાનો પ્રયાસ કરી રહ્યા છે.

આ અગાઉ ધ પ્રિન્ટ સાથે વાત કરતા દમન સિંહે કહ્યું હતું કે, તેની માતા ખૂબ જ પરેશાન હતી, કારણ કે એક ફોટોગ્રાફર મંત્રી સાથે રૂમમાં પ્રવેશ્યો હતો, પરંતુ જ્યારે તેણે ફોટોગ્રાફરને રૂમમાંથી બહાર નીકળવાનો આગ્રહ કર્યો ત્યારે તેને સંપૂર્ણપણે વાતને નજર અંદાજ કરી હતી. તે ખૂબ જ પરેશાન હતી. મારા માતાપિતા મુશ્કેલ પરિસ્થિતિનો સામનો કરી રહ્યા છે. તે વૃદ્ધ લોકો છે. પ્રાણી સંગ્રહાલયમાં કોઈ પ્રાણીઓ નથી.

ગુરુવારે ડો.સિંઘને મળ્યા પછી, આરોગ્યમંત્રીએ મંત્રીએ તેના ટ્વિટર હેન્ડલ પર પૂર્વ વડાપ્રધાનની હોસ્પિટલ કેબિનમાં તેમની મુલાકાતના કેટલાક ફોટોગ્રાફ્સ પોસ્ટ કર્યા હતા. જો કે, સોશિયલ મીડિયા પર ફોટા પોસ્ટ કરવાના વિરોધનો સામનો કર્યા બાદ માંડવિયાએ તેના હેન્ડલમાંથી ફોટા કાઢી નાખ્યા હતા. પરંતુ હજુ આ મુદ્દે ન તો એમ્સ તરફથી અને ન તો આરોગ્ય મંત્રાલય તરફથી કોઈ સત્તાવાર નિવેદન આવ્યું છે.

English summary
Manmohan Singh's daughter's allegation - Mandaviya brought the photographer against the wishes of the family
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X