PMO પહોંચ્યા વડાપ્રધાન નરેન્દ્ર મોદી, કાર્યભાર સંભાળ્યો

નવી દિલ્હી, 27 મે: દેશના 15માં વડાપ્રધાન નરેન્દ્ર મોદીએ આજે પોતાનું કાર્યભાર સંભાળી લીધું છે. આજે સવારે મોદી પહેલા સાઉથ બ્લોકમાં હાજર વડાપ્રધાન કાર્યાલય પહોંચ્યા. જ્યાં પીએમઓના અધિકારીઓએ બૂકે આપીને તેમનું સ્વાગત કર્યું. મોદી 15થી 17 મિનિટ પીએમઓમાં રહ્યા. તેમણે કેટલીંક ઔપચારીકતા પૂરી કરી. કામકાજ સંભાળ્યા પહેલા તેમણે રાષ્ટ્રપિતા મહાત્મા ગાંધીની તસવીરને ફૂલ ચઢાવ્યા. ત્યારબાદ તેઓ હૈદરાબાદ હાઉસ માટે નીકળી ગયા.

મોદીનો કાર્યક્રમ
વડાપ્રધાન નરેન્દ્ર મોદી આજે તમામ નેતાઓ સાથે દ્વિપક્ષીય વાર્તા કરી રહ્યા છે. એક નેતા સાથે લગભગ 20 મિનિટ સુધી વાત થશે. મોદી સૌથી પહેલા સવારે 9.30 વાગ્યે અફઘાનિસ્તાનના રાષ્ટ્રપતિ હામિદ કરજઇ સાથે મુલાકાત પણ કરી. ત્યારબાદ માલદીવના રાષ્ટ્રપતિ અબ્દુલ ગયૂમ સાથે મુલાકાત કરી, 10.30 વાગ્યે મોદીએ શ્રીલંકાના રાષ્ટ્રપતિ મહિન્દ્રા રાજપક્ષે સાથે મુલાકાત કરી. બપોરે 12.30 વાગ્યે મોદી પાકિસ્તાનના વડાપ્રધાન નવાઝ શરીફ સાથે અને 1 વાગ્યે બાંગ્લાદેશ વિધાનસભાની સ્પિકર શિરીન ચૌધરીને મળશે.

જુઓ વડાપ્રધાન મોદીએ પીએમઓ પહોંચીને શું કર્યું...