મોદી ઇફેક્ટ, હવે ઓનલાઇન પીવો ગરમા-ગરમ ચા
મુંબઇ, 11 જૂન: આજકાલ દુનિયા ખૂબ જ ઝડપી આગળ વધી રહી છે. બધું જ ઇન્ટરનેટ સાથે જોડાઇ રહ્યું છે. ઓનલાઇન શોપિંગનો ક્રેઝ વધતો જઇ રહ્યો છે. બજારમાં ભીડ ઓછી અને ઓનલાઇન શોપિંગ સાઇટો પર ટ્રાફીક વધતું જઇ રહ્યું છે. પરંતુ શું આપે વિચાર્યું હતું કે ઇન્ટરનેટના ઉપયોગથી આપ ગરમા-ગરમ ચા પી શકો છો.
જી હા હવે ઘરે બેઠા-બેઠા આપ ચા પણ ઓર્ડર કરી શકો છો. મુંબઇના બાંદ્રા વિસ્તારના એક ચાવાળાએ પોતાના બિઝનેસની ઓનલાઇન શરૂઆત કરી છે. બાંદ્રા વિસ્તારના છોટૂ ચાવાળાએ શોપ.છોટૂચાયવાલા.કોસ નામથી એક વેબસાઇટ લોન્ચ કરી પોતાની ચાની દુકાનને બાંદ્રામાંથી નિકાળીને ઇન્ટરનેશનલ માર્કેટમાં પહોંચાડી દીધી છે.
એક અઠવાડીયાનું સબ્સક્રિપ્શન માટે આપને 70 રૂપિયા આપવા પડશે. જ્યારે બે અઠવાડીયા માટે 140 અને એક મહીના માટે આપને 280 રૂપિયા આપવા પડશે. છોટૂ ચાવાળા હવે સોશિયલ મીડિયા દ્વારા પોતાની ચાને પ્રમોટ કરી રહ્યો છે. આપ ફેસબુક અને ટ્વિટર પર પણ છોટૂ ચાવાળાને ફોલો કરી શકો છો. હાલ આ સેવા મુંબઇના બાંદ્રા વિસ્તારમાં જ છે, પરંતુ ટૂંક સમયમાં તેના વિસ્તારની યોજના પણ તૈયાર છે.