• search
For Quick Alerts
ALLOW NOTIFICATIONS  
For Daily Alerts

દિલ્લીમાં 3 દિવસમાં ઈ-બસમાં એક લાખ પ્રવાસીઓએ કરી મુસાફરીઃ દિલ્લી સરકાર

|
Google Oneindia Gujarati News

નવી દિલ્લીઃ દિલ્લી સરકારની ઈ-બસને દિલ્લીવાસીઓ તરફથી બમ્પર પ્રતિસાદ મળ્યો છે. માત્ર ત્રણ દિવસમાં લગભગ એક લાખ મુસાફરો શૂન્ય-ઉત્સર્જન ઈ-બસ તરફ વળ્યા છે. મુખ્યમંત્રી અરવિંદ કેજરીવાલે 24 મેના રોજ 150 ઈ-બસને ફ્લેગ ઑફ કરી હતી. કેજરીવાલ સરકારે સ્વચ્થ ગતિશીલતાને પ્રોત્સાહન આપવા માટે 24થી 26 મે સુધી ઈ-બસમાં દરેક મુસાફર માટે મફત મુસાફરીની જાહેરાત કરી હતી.

ધારાસભ્યોએ દિલ્લીના ટોચના અધિકારીઓ સાથે સુવિધાઓની સાક્ષી અને સમીક્ષા કરવા માટે છેલ્લા ત્રણ દિવસમાં ઈ-બસોમાં સવારી કરી હતી. દિલ્હી સરકારના ડેટા અનુસાર, '24, 25 અને 26 મેના ત્રણ દિવસે લગભગ એક લાખ લોકોએ ઈલેક્ટ્રિક બસમાં મફત મુસાફરી કરી છે. જેમાંથી 40 ટકા મહિલાઓ છે. જેમાં 24 મેના રોજ પ્રથમ દિવસે લગભગ 12 હજાર લોકોએ મુસાફરી કરી હતી. 25 મેના રોજ લગભગ 28 હજાર લોકોએ મુસાફરી કરી હતી. 26 મેના રોજ લગભગ 52 હજાર લોકોએ ફ્રીમાં મુસાફરી કરી હતી.'

ઈલેક્ટ્રિક બસોની સૌથી મોટી વિશેષતા એ છે કે તે પ્રદૂષણ મુક્ત છે. આ બસો ચાલવાથી પ્રદુષણ થતુ નથી. શૂન્ય ઉત્સર્જનની સાથે આ બસો શૂન્ય અવાજ છે. આ ઉપરાંત, તેઓ જીપીએસ વિવિધ રીતે વિકલાંગો માટે રેમ્પ, પેનિક બટનો, સીસીટીવી કેમેરા જેવા ઉપકરણો અને અન્ય સુરક્ષા સંબંધિત સુવિધાઓથી સજ્જ છે. 150 બસોમાંથી 51 મુંડેલકન ડેપોમાંથી અને 99 બસો રોહિણી સેક્ટર-37 ડેપોમાંથી દોડી રહી છે.

સીએમ અરવિંદ કેજરીવાલે નવી ઈલેક્ટ્રિક બસના કાફલામાં સેલ્ફી લઈને ઈ-બસ વિશે વાત ફેલાવવા માટે સેલ્ફી સ્પર્ધાની પણ શરૂઆત કરી હતી. આ સ્પર્ધા 30મી જૂન સુધી ચાલશે. #IrideEbus નામની સેલ્ફી સ્પર્ધા સોશિયલ મીડિયા પર ચલાવવામાં આવી રહી છે, જ્યાં મુસાફરો ઇલેક્ટ્રિક બસમાં મુસાફરી કરતી વખતે સેલ્ફી પોસ્ટ કરશે. ત્રણ સૌથી વધુ પસંદ કરાયેલ અને શેર કરેલા સ્પર્ધકોને દિલ્હી સરકાર દ્વારા સન્માન માટે પસંદ કરવામાં આવશે અને તેમને ઈનામ તરીકે આઈપેડ મળશે.

English summary
One lakh commuters hopped e buses in first 3 days: Delhi government
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X