• search
For Quick Alerts
ALLOW NOTIFICATIONS  
For Daily Alerts

તહેવારની સિઝનમાં રડાવી રહ્યા છે ડુંગળી, ટામેટાના ભાવ, જાણો કિંમતોમાં ક્યારે થશે ઘટાડો

|
Google Oneindia Gujarati News

નવી દિલ્લીઃ તહેવારની સિઝનમાં ડુંગળી અને ટામેટાના ભાવોમાં ઘણો વધારો થઈ રહ્યો છે. રાજધાની દિલ્લીમાં ઘણા શહેરોમાં ટામેટાના ભાવ 100 રૂપિયાની આસપાસ થઈ ગયા છે. પેટ્રોલ અને ડીઝલના વધતા ભાવ અને ઘણા વિસ્તારોમાં થયેલા સતત ભારે વરસાદના કારણે પાક ખરાબ થઈ ગયો છે જેના કારણે શાકભાજીની કિંમતમાં વધારો થયો છે. સરકારી આંકડા, જે 100થી વધુ કેન્દ્રોમાંથી રિપોર્ટ કરવામાં આવેલ કિંમતોને સંકલિત કરીને જણાવે છે, તેમણે કહ્યુ છે કે દિલ્લી, મુંબઈ અને ચેન્નઈમાં ડુંગળીની કિંમત 50થી 65 રૂપિયા પ્રતિ કિલો પહોંચી ગઈ છે. જ્યારે દાળ અને મુખ્ય ખાદ્ય તેલોની સરેરાશ કિંમતો લગભગ એક મહિના પહેલાની જેમ થઈ ગઈ છે.

સરકારી રિપોર્ટ મુજબ રવિવારે ડુંગળીની સરેરાશ કિંમત એક મહિના એટલે કે સપ્ટેમ્બરની પહેલા 28 રૂપિયાની તુલનામાં 39 રૂપિયા પ્રતિ કિલોગ્રામ થઈ ગઈ. એક વર્ષ પહેલા સરેરાશ કિંમત 46 રૂપિયા પ્રતિ કિલો હતી. દિલ્લી, મુંબઈ અને ચેન્નઈ જેવા અમુક શહેરોમાં રવિવારે ડુંગળીની કિંમત 50-65 રૂપિયા કિલોગ્રામ હતી.

વળી, ટામેટાની કિંમતોની વાત કરીએ તો સપ્ટેમ્બરમાં 27 રૂપિયા પ્રતિ કિલો અને એક વર્ષ પહેલા 41 રૂપિયા પ્રતિ કિલો હતી. પરંતુ રવિવારે સરેરાશ ટામેટાની કિંમત 45થી 60 રૂપિયા સુધી છે. આંકડાથી જાણવા મળે છે કે કોલકત્તામાં ટામેટા 93 રૂપિયે કિલો વેચાઈ રહ્યા છે.

સૂત્રોએ કહ્યુ કે દેશના અમુક ભાગોમાં હાલમાં જ થયેલા વરસાદના કારણે ટામેટાની કિંમતોમાં વધુ તેજી થઈ શકે છે. સરકારી આંકડા મુજબ ટામેટા અને ડુંગળીની કિંમતો ઘટવામાં થોડો સમય લાગી શકે છે. ગ્રાહક બાબતોના મંત્રાલયે રવિવારે એક નિવેદન જાહેર કરીને કહ્યુ કે, 'ડુંગળી, ટામેટા અને બટાકાની કિંમતો ગયા વર્ષની સરખામણીમાં સસ્તી હતી.'

સામાન્ય રીતે સપ્ટેમ્બર અને નવેમ્બર દરમિયાન સ્ટૉક ઘટવાથી ડુંગળીની કિંમતો વધી જાય છે. ડુંગળીનો નવો પાક નવેમ્બરના મીડથી શરૂ થાય છે. મંત્રાલયના જણાવ્યા મુજબ બફર સ્ટૉક જાહેર થવાથી કિંમતોને સ્થિર કરવામાં આવી રહી છે. વળી, ટામેટા અને બટાકાની કિંમતોમાં પણ ઘટાડો કરવાની કોશિશ ચાલુ છે.

English summary
Onion tomato prices rise in festive season pulses and major edible oils rates stable
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X