• search
For Quick Alerts
ALLOW NOTIFICATIONS  
For Daily Alerts

LoC પર ફરીથી પાકિસ્તાની ડ્રોન જોવા મળ્યું, સેનાના ફાયરિંગ કરતા પરત ફર્યું!

By Desk
|
Google Oneindia Gujarati News

ચંદીગઢ, 20 ડિસેમ્બર : પંજાબના ગુરદાસપુરમાં એલઓસી પર એક શંકાસ્પદ ડ્રોન જોવા મળ્યું હતું, જેના પર બોર્ડર સિક્યુરિટી ફોર્સના જવાનોએ ગોળીબાર કર્યો પરંતુ તે પાકિસ્તાનમાં પરત ફરવામાં સફળ રહ્યુ. બીએસએફના એક અધિકારીએ જણાવ્યું કે, બપોરે 12.30 વાગ્યાની આસપાસ પેટ્રોલિંગ દરમિયાન સૈનિકોએ થોડો અવાજ સાંભળ્યો, જ્યારે તેમને ખબર પડી કે તે ડ્રોન છે તો તેમણે તેના પર 5 રાઉન્ડ ફાયરિંગ પણ કર્યું, પરંતુ તે ડ્રોન પાકિસ્તાનની સરહદમાં ઘુસી ગયું.


તમને જણાવી દઈએ કે પાકિસ્તાનથી ડ્રોન આવવાના સમાચાર નવા નથી. અગાઉ પણ આવી ઘટનાઓ સામે આવી છે. શુક્રવારે સેનાએ પંજાબમાં એલઓસી નજીક એક ડ્રોનને તોડી પાડ્યું હતું, જે ચીનમાં બનાવવામાં આવ્યું હતું. બીએસએફના અધિકારીએ જણાવ્યું હતું કે, એલઓસી નજીક બીએસએફના અમરકોટ બીઓપી જવાનોની તત્પરતાને કારણે ડ્રોનને પાડી શકાયુ હતું.

આ ડ્રોન ઈન્ટરનેશનલ બોર્ડર લાઈન નજીકથી ભારતીય સરહદની અંદર લગભગ 300 મીટરના વિસ્તારમાં જાસૂસી કરતું જોવા મળ્યું હતું, ત્યારબાદ સેનાએ તેના પર કાર્યવાહી કરી હતી. સેનાએ કહ્યું કે ચીનમાં બનેલા આ ડ્રોનનો ઉપયોગ પાકિસ્તાની સેના દ્વારા કરવામાં આવ્યો હોઈ શકે છે. પાકિસ્તાન માત્ર ભારતની જાસૂસી માટે જ નહીં પરંતુ ભારતમાં ડ્રગ્સ અને હથિયારોની દાણચોરી માટે પણ ડ્રોનનો ઉપયોગ કરી રહ્યું છે. જો કે, ભારતીય સેનાએ સમયાંતરે પાકિસ્તાનની આ હરકતોનો જડબાતોડ જવાબ આપ્યો છે. જે વિસ્તારમાં ડ્રોન જોવા મળ્યું ત્યાં સર્ચ ઓપરેશન ચાલી રહ્યું છે. દરમિયાન પંજાબમાં આંતરરાષ્ટ્રીય બોર્ડર પાસે ડેરા બાબા નાનક વિસ્તારમાં ઘૂસણખોરી કરવા બદલ એક પાકિસ્તાની યુવકની ધરપકડ કરવામાં આવી છે. BSFએ યુવક પાસેથી એક મોબાઈલ ફોન અને પાકિસ્તાની ચલણ જપ્ત કર્યું છે.

English summary
Pakistani drone spotted on LoC again, returned from army firing!
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X
Desktop Bottom Promotion