દિલ્હીઃ દારૂની દુકાનોમાં લાગી લાંબી લાઈનો, જુઓ વીડિયો

નવી દિલ્હીઃ દિલ્હીના ચંદ્રનગર અને કશ્મીરી ગેટ વિસ્તારમાં દારૂની દુકાનો બહાર ભીડને કાબૂ કરવા માટે પોલીસે લાઠીઓ ચલાવી. દારૂના ઠેકા બહાર લાંબી લાઈનો માત્ર દિલ્હીમાં જ નહિ દેશના કેટલાય શહેરોમાં લાગી ગઈ છે. દોઢ મહિનાના લૉકડાઉન બાદ સરકારે ગ્રીન ઝોનમાં દારૂના ઠેકા ખોલવાની મંજૂરી આપી દીધી. પરંતુ લોકોએ અહીં સરકાર તરફથી જણાવવામાં આવેલ ડિસ્ટંસિંગના નિયમોની ધજ્જિયાં ઉડાવી દીધી છે. ધક્કા-મુક્કી કરતા લોકોએ લાંબી લાઈનો લગાવી. પરંતુ આ ઢીલથી પોલીસ સમક્ષ મોટો પડકાર છે. ઉલ્લેખનીય છે કે કોરોના વાયરસ સંક્રમણના ખતરાના આધારે આકા દેશને ત્રણ શ્રેણીઓમાં વિભાજિત કરવામાં આવ્યા છે- રેડ ઝોન, ઓરેન્જ અને ગ્રીન ઝોન. લૉકડાઉન 3.0 ચાર મેથી લઈ 17 મે સુધી છે. દેશમાં 25 માર્ચથી લાગૂ લૉકડાઉનનો પહેલો તબક્કો 14 એપ્રિલ સુધી હતો, જે બાદમાં વધીને 3 મે અને હવે 17 મે સુધી કરી દેવાયો.

દિલ્હીમાં દારૂની દુકાનો ખુલો

કેન્દ્રીય ગૃહ મંત્રાલય મુજબ કોઈપણ ઝોન કેમ ના હોય, ત્યાં હવાઈ, રેલ મેટ્રો યાત્રા, સડક માર્ગથી આંતર-રાજ્ય અવરજવર, સ્કૂલ, કોલેજ અને અન્ય શૈક્ષણિક સંસ્થાન, પ્રશિક્ષણ અને કોચિંગ સેન્ટર, હોટલ અને રેસ્ટોરાં સહિતની સેવાઓ બંધ રહેશે. આ ઉપરાંત જિમ, થિયેટર, મૉલ, સિનેમા હૉલ, બાર બંધ રહેશે ઉપરાંત ધાર્મિક, સામાજિક તથા રાજનૈતિક સભા કરવાની મંજૂરી નહિ મળે. જો કે કંટેન્મેન્ટ એરિયાને છોડીને બાકી તમામ ઝોનમાં બિન-જરૂરી ગતિવિધિઓ માટે અવરજવરની મંજૂરી હશે, પરંતુ સાંજે સાત વાગ્યાથી સવારે સાત વાગ્યા સુધી સખ્તાઈ હશે.

આ વસ્તુઓને મંજૂરી મળી

ગ્રીન અને ઓરેન્જ ઝોનમાં વાળંદની દુકાનો, સ્પા અને સલૂન ખોલવાની મંજૂરી હશે. સાથે જ ઈ-કોમર્સ કંપનીઓ પણ બિન જરૂરી વસ્તુઓ વેચી શકે છે. પ્રતિબંધિત વિસ્તોર, મોહલ્લાની સ્ટેન્ડ અલોન દુકાનો, બજાર કે મૉલ સિવાય દારૂના વેચાણને શરતી મંજૂરી હશે. જો કે આ ગુજરાતને લાગૂ નથી પડતું અને કેરળ સરકારે હજી દારૂ વેચવા પર કંઈ નિર્ણય લીધો નથી.

Outside a liquor shop in Delhi. Reports @mukeshmukeshs pic.twitter.com/hWWGnHFs54

— Sanket संकेत (@sanket) May 4, 2020

જુઓ વીડિયો

ત્યારે દિલ્હી સહિતના શહેરોમાં દારૂની દુકાનો ખોલવામાં આવી હતી, જો કે દારૂની દુકાન ખોલતાં જ નશેડીઓએ લાંબી લાઈનો લગાવી દીધી હતી. સોશિયલ ડિસ્ટેન્સિંગનું ઉલ્લંઘન થતાં પોલીસે લાઠીચાર્જ કરવો પડ્યો હતો.