તસવીર: રોયલ કપલ વિલિયમ અને કેટ મળ્યા વડાપ્રધાન નરેન્દ્ર મોદીને

| Published: Tuesday, April 12, 2016, 14:24 [IST]

ભારતની વિદેશ યાત્રા પર આવેલા રોયલ કપલ પ્રિન્સ વિલિયમ અને તેમની પત્ની કેટ મિડિલટન મુંબઇમાં કેટલીક ખાસ યાદો માણીને સોમવારે સાંજે રાજધાની દિલ્હી પહોંચ્યા હતા. હૈદરાબાદ હાઉસમાં રોયલ કપલ પ્રિન્સ વિલિયમ અને કેટે વડાપ્રધાન નરેન્દ્ર મોદી સાથે મુલાકાત કરી હતી. આજે વડાપ્રધાન આ રોયલ કપલ સાથે લંચ માણશે. વધુમાં 14મી એપ્રિલે રોયલ કપલ દિલ્હીથી ભૂટાન જવા રવાના થશે.

જો કે દિલ્હી પહોંચીને તેમણે ગાંધી સ્મૃતિ અને પછી ઇન્ડિયા ગેટ પર અમર જવાન જ્યોતિ પર જઇને શહીદોને શ્રદ્ઘાંજલિ અર્પી હતી. અને રાજધાટ પર જઇને મહાત્મ ગાંધીને પણ પુષ્પાજંલિ અર્પી હતી. અને ત્યારબાદ સામાજિક સંસ્થાઓની મુલાકાત પણ લીધી હતી. ત્યારે આજે તેમનો કાર્યક્રમ શું રહેશે તે વિષે વધુ જાણો નીચેના આ ફોટોસ્લાઇડરમાં...

હૈદરાબાદ હાઉસ ખાતે મુલાકાત

પ્રિન્સ વિલિયમ અને ડચિસ કેટ આજે દિલ્હીના હૈદરાબાદ હાઉસ ખાતે વડાપ્રધાન નરેન્દ્ર મોદીને મળ્યા હતા. અહીં વડાપ્રધાન નરેન્દ્ર મોદીએ તેમની લંચ માટે આમંત્રિત કર્યા હતા.

મહાત્મા ગાંધીને કર્યા યાદ

દિલ્હી પહોંચ્યા બાદ પ્રિન્સ વિલિયમ અને કેટે રાજધાટ જઇને મહાત્મા ગાંધીને શ્રદ્ઘાજંલિ અર્પી હતી. વાઇટ ડ્રેસમાં કેટ અને બ્લુ શૂટ વિલિયમ આકર્ષક લાગતા હતા.

જવાનોને કર્યા યાદ

તે વાત તો બધા જ જાણે છે પ્રિન્સ વિલિયમ પણ બ્રિટિશ સેનાનો એક ભાગ છે અને એક સૈનિક તરીકે તે સેના અને સૈનિકોના જીવનને યોગ્ય રીતે સમજી શકે છે ત્યારે ઇન્ડિયા ગેટ પર તેમણે વોર મેમોરિયલમાં શહિદ જવાનોને પણ શ્રદ્ઘાંજલિ આપી હતી.

સ્ટાર્ટઅપ ઇન્ડિયા

સાથે જ કેટ અને વિલિયમે સ્ટાર્ટઅપના યુવાન ઉદ્યમીઓ વિષે પણ માહિતી મેળવી હતી. અને તે આ યુવાન લોકોના વિચારોથી પ્રભાવિત થયા હતા.

ડ્રેસના કારણે થયો વિવાદ

જો કે દિલ્હીના અમર જવાન જ્યોતિ સ્મારક આગળ પુષ્પાજંલિ અર્પતી વખતે કેટનો ડ્રેસ હવામાં અચાનક જ ઊંચો થઇ જતા સોશ્યલ મીડિયા પર આવા ફોટો વાયરલ થતા વિવાદ પણ થયો હતો.

રાણીનો બર્થ ડે

વળી દિલ્હીમાં રાણી એલિઝાબેથ બીજાના 90મી વર્ષગાંઠ નિમિત્તે દિલ્હી ખાતે યોજાયેલા એક કાર્યક્રમમાં પણ પ્રિન્સ અને કેટ તલવારથી બ્રિટિશ સ્ટાઇલમાં રાણી વતી બર્થ ડે કેક પણ કાપી હતી.