• search
For Quick Alerts
ALLOW NOTIFICATIONS  
For Daily Alerts

રશિયા યુક્રેન સંકટ વચ્ચે PM મોદીએ ભારતની સુરક્ષા તૈયારીઓ પર ઉચ્ચ સ્તરીય બેઠક યોજી

|
Google Oneindia Gujarati News

નવી દિલ્હી, 13 માર્ચ : વડાપ્રધાન નરેન્દ્ર મોદીએ રવિવારના રોજ રશિયા-યુક્રેન યુદ્ધ દ્વારા સર્જાયેલા નવા વૈશ્વિક પરિદ્રશ્યને ધ્યાનમાં રાખીને ભારતની સુરક્ષા તૈયારીઓ પર એક ઉચ્ચ સ્તરીય બેઠકની અધ્યક્ષતા કરી હતી. આ બેઠકમાં રક્ષા મંત્રી રાજનાથ સિંહ, નાણા મંત્રી નિર્મલા સીતારમણ અને વિદેશ મંત્રી એસ જયશંકરે પણ ભાગ લીધો હતો.

રાષ્ટ્રીય સુરક્ષા સલાહકાર (NSA) અજીત ડોભાલ અને અન્ય વરિષ્ઠ અધિકારીઓએ પણ બેઠકમાં ભાગ લીધો હતો. આ બેઠકમાં આર્મી, એરફોર્સ અને નેવીના વડાઓએ પણ ભાગ લીધો હતો.

ગુરુવારના રોજ પાંચમાંથી ચાર રાજ્યોની વિધાનસભાની ચૂંટણીમાં જીત મેળવ્યા બાદ પાર્ટીના કાર્યકરોને સંબોધતા વડાપ્રધાન મોદીએ જણાવ્યું હતું કે, ભારતની જરૂરિયાતો રશિયા અને યુક્રેન બંને સાથે જોડાયેલી છે, પરંતુ દેશ શાંતિ અને આશાના પક્ષમાં છે અને તમામ સમસ્યાઓનું સમાધાન વાતચીત દ્વારા કરવામાં આવશે.

તેમણે જણાવ્યું હતું કે, યુદ્ધમાં શામેલ બંને દેશો સાથે ભારતના આર્થિક, સુરક્ષા, શિક્ષણ અને રાજકીય દ્રષ્ટિએ સંબંધો છે. દેશની જરૂરિયાતો બંને દેશો સાથે જોડાયેલી છે. આ યુદ્ધ વિશ્વના દરેક દેશને અસર કરી રહ્યું છે. ભારત શાંતિના પક્ષમાં છે અને આશા રાખે છે કે, વાતચીત દ્વારા જ તેનો ઉકેલ આવશે.

ઉલ્લેખનીય છે કે, ઓપરેશન ગંગા હેઠળ ભારતે યુદ્ધગ્રસ્ત યુક્રેનમાંથી 18000 થી વધુ નાગરિકોને સુરક્ષિત રીતે બહાર કાઢ્યા છે. ઓપરેશન ગંગા કાર્યક્રમ આ સપ્તાહની શરૂઆતમાં રદ્દ કરવામાં આવ્યો હતો.

સમાચાર એજન્સી ANIએ એક અહેવાલમાં જણાવ્યું હતું કે, ઓપરેશન ગંગાની શરૂઆત પહેલા વડાપ્રધાન મોદીએ યુક્રેનના રાષ્ટ્રપતિ ઝેલેન્સકી અને રશિયાના રાષ્ટ્રપતિ પુતિન સાથે વાતચીત કરી હતી, ત્યારબાદ જ ઓપરેશન ગંગા કાર્યક્રમનું સફળતાપૂર્વક આયોજન થઈ શક્યું હતું. રશિયાએ ભારતીય વિદ્યાર્થીઓને ત્યાંથી હાંકી કાઢવા માટે માત્ર બે વખત યુદ્ધવિરામની જાહેરાત કરી હતી. ભારતે જિનીવા અને યુક્રેન બંનેમાં રેડક્રોસ સાથે વિદ્યાર્થીઓને બહાર કાઢવામાં મદદ કરવા માટે કામ કર્યું હતું.

English summary
PM Modi held a high-level meeting on India's security preparedness Amidst the Russia Ukraine crisis.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X