• search
For Quick Alerts
ALLOW NOTIFICATIONS  
For Daily Alerts

પંજાબ સીએમના શપથઃ ભગવંત માનના આમંત્રણ પર ખટકલ કલાંમાં હજારો આપ કાર્યકર્તા, આ છે અતિથિ

|
Google Oneindia Gujarati News

શહીદ ભગતસિંહ નગરઃ પંજાબમાં આમ આદમી પાર્ટીના સીએમ પદના ચહેરા ભગવંત માન આજે શપથ લેવા જઈ રહ્યા છે. તેમનો શપથ ગ્રહણ સમારંભ રાજ્યના શહીદ ભગતસિંહ નગર જિલ્લામાં સ્થિત ગામ ખટકડ કલાંમાં થઈ રહ્યો છે. ખટકડ કલાં મહાન સ્વાતંત્ર્ય સેનાની ભગતસિંહનુ ગામ છે. આજે અહીં સીએમ શપથ ગ્રહણ સમારંભમાં આમ આદમી પાર્ટીના નેતાઓ ઉપરાંત અન્ય પાર્ટીના નેતા પણ પહોંચી રહ્યા છે. વળી, સમારંભમાં આખા પંજાબમાંથી 2 લાખથી વધુ લોકોના આવવાની આશા છે. હરિયાણા અને હિમાચલમાંથી આપ કાર્યકર્તાઓનો કાફલો પહોંચ્યો છે.

શપથગ્રહણ સમારંભના અતિથિ

ભગવંત માનનો શપથગ્રહણ સમારંભ શહીદ સ્મારકના ગ્રાઉન્ડમાં જ થઈ રહ્યો છે. જ્યાં દિલ્લીના મુખ્યમંત્રી અને આમ આદમી પાર્ટીના રાષ્ટ્રીય સંયોજક અરવિંદ કેજરીવાલ, ઉપમુખ્યમંત્રી મનીષ સિસોદિયા, સાંસદ સંજય સિંહ, આમ આદમી પાર્ટી પંજાબના પ્રભારી રાઘવ ચઢ્ઢા શામેલ થશે. આ ઉપરાંત પંજાબના પૂર્વ મુખ્યમંત્રી ચરણજીત સિંહ ચન્ની, કેપ્ટન અમરિંદર સિંહ, પંજાબ કોંગ્રેસ પ્રમુખ નવજોત સિંહ સિદ્ધુને આમંત્રણ મોકલવામાં આવ્યુ છે. કૉમેડિયન કપિલ શર્મા, રાજૂ શ્રીવાસ્તવ સહિત ઘણી ફિલ્મી હસ્તીઓના પણ પહોંચવાની આશા છે. આમ આદમી પાર્ટી તરફથી પશ્ચિમ બંગાળના મુખ્યમંત્રી મમતા બેનર્જી, ઓરિસ્સાના મુખ્યમંત્રી નવીન પટનાયક સહિત અન્ય ઘણા રાજ્યોના મુખ્યમંત્રીને પણ આમંત્રિત કરવામાં આવ્યા છે.

આ રીતે આયોજિત થઈ રહ્યો છે કાર્યક્રમ

મુખ્યમંત્રી બનવા જઈ રહેલા ભગવંત માન આજે બપોરે 11.30 વાગે શપથ લેશે. શહીદ ભગતસિંહના પૈતૃક ગામ ખટકલ કલાંમાં થઈ રહેલા સમારંભમાં શામેલ થનારા લોકોને સમય પહેલા પહોંચવા માટે કહેવામાં આવ્યુ છે. ભગવંત માનને પંજાબના રાજ્યપાલ બનવારીલાલ પુરોહિત પદ અને ગોપનીયતાના શપથ અપાવશે. જણાવવામાં આવી રહ્યુ છે કે આ શપથ ગ્રહણ સમારંભમાં મુખ્યમંત્રી ભગવંત માન સાથે 16 ધારાસભ્ય મંત્રી પણ પદના શપથ લઈ શકે છે.

આ શપથ ગ્રહણ સમારંભનુ ઘણી બધી ચેનલો પર લાઈવ પ્રસારણ કરવામાં આવશે. આમ આદમી પાર્ટીના સોશિયલ મીડિયા હેન્ડલ પર કવરેજ ચાલી રહ્યુ છે.પં જાબના મુખ્યમંત્રીના શપથ લેવા જઈ રહેલ ભગવંત માને કહ્યુ છે કે આજે હું નહિ, પંજાબના ત્રણ કરોડ લોકો પણ મારી સાથે શપથ લેશે. તેમણે કહ્યુ કે, 'આપણે મળીને ભગત સિંહના સપનાને પૂરા કરવાના છે અને આપણે તેમના વિચારોને અમલમાં લાવીશુ.'

English summary
Punjab CM Bhagwant Mann Swearing in Ceremony 2022; List of Guest for Oath Taking Ceremony
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X