• search
For Quick Alerts
ALLOW NOTIFICATIONS  
For Daily Alerts

કમર મોહસિન શેખે પીએમ મોદીને બાંધી રાખડી

|

રક્ષા બંધનના દિવસે આપણે જેવી રીતે આપણી બહેનોનો ઈંતજાર કરીએ છીએ તેવી જ રીતે પીએમ મોદી પણ કમર મોહસિન શેખની રાહ જોય છે. દર વર્ષની જેમ આ વર્ષે પણ કમર મોહસિન શેખે પીએમ મોદીને રાખડી બાંધી છે. પીએમ મોદીને રાખડી બાંધ્યા બાદ કમર મોહસિન શેખે કહ્યું કે, "મોદી રાષ્ટ્રીય સ્વયં સેવક સંઘના કાર્યકર હતા ત્યારથી હું તેમને ઓળખું છું. 24 વર્ષથી તેમને રાખડી બાંધી આવી છું. આટલા વર્ષો બાદ પણ તેમનામાં કોઈ બદલાવ આવ્યો નથી. હા એટલું જરૂર છે કે હવે તેઓ બહુ વધુ વ્યસ્ત થઈ ગયા છે. આ કારણે અમને ઓછો સમય મળે છે." આ પણ વાંચો- પીએમ મોદીએ દેશવાસીઓને પાઠવી રક્ષા બંધનની શુભકામના

આવી રીતે થઈ મોદી સાથે મુલાકાત

આવી રીતે થઈ મોદી સાથે મુલાકાત

નરેન્દ્ર મોદી અને કમર મોહસિન શેખની વચ્ચે ખાસ સંબંધ છે. આ ભાઈ-બહેનની વાર્તા બૉલીવુડની ફિલ્મ જેવી જ છે. કમર મોહસિન શેખે કહ્યું કે, "1981માં મારા પરિવાર સાથે પહેલી વખત અમદાવાદ આવી હતી. મોહસિન સાથે મારાં લગ્ન નક્કી થઈ ગયાં હતાં અને આવી રીતે હું હિન્દુસ્તાની થઈ ગઈ. 1995માં ગુજરાતના તત્કાલીન રાજ્યપાલ ડૉ. સ્વરૂપ સિંહ સાથે મારી મુલાકાત થઈ. તેઓ મને એમની દીકરી માનતા હતા. આ દરમિયાન હું પાકિસ્તાન જઈ રહી હતી ત્યારે ખુદ સ્વરૂપ સિંહ મને એરપોર્ટ છોડવા આવ્યા હતા અને એમની સાથે મોદી પણ હતા."

મોદીએ બનાવી લીધી બહેન

મોદીએ બનાવી લીધી બહેન

કમર મોહસિન શેખને વિદા કરતી વખતે સ્વરૂપ સિંહે નરેન્દ્ર મોદીને કહ્યું કે આ મારી દીકરી છે તેનો ખયાલ રાખશે. નરેન્દ્ર મોદીએ સ્વરૂપ સિંહને જવાબ આપતા કહ્યું કે, 'જો આ તમારી દીકરી છે તો મારી બહેન છે.' બસ આ ઘટના બાદથી જ કમર મોહસિન શેખે મોદીને રાખડી બાંધવાનું શરૂ કરી દીધું. કમર મોહસિન શેખ કહે છે કે કેટલાક વર્ષો બાદ નરેન્દ્ર મોદી ગુજરાતના સીએમ બની ગયા પણ એમને મળવા માટે ક્યારેય અપોઈન્ટમેન્ટ લેવાની જરૂર નહોતી પડી.

વાજપેયી સાથે જોડાયેલી છે કહાણી

વાજપેયી સાથે જોડાયેલી છે કહાણી

કમર મોહસિન શેખે પોતાના એક ઈન્ટર્વ્યૂમાં જણાવ્યું હતું કે અટલ બિહારી વાજપેયીએ જ્યારે પોખરણ પરમાણુ પરિક્ષણ કરાવ્યું હતું ત્યારે એમના પતિએ એક પેન્ટિંગ બનાવ્યું હતું. જેમાં પરિક્ષણ બાદ ધમાકાથી ઉઠતી જ્વાળા વચ્ચે બે કબૂતર શાંતિનો સંદેશ લઈને ઉડતા જોવા મળી રહ્યા હતા. પેન્ટિંગને મોદીએ અટલ બિહારી વાજપેયીને દેખાડતા કહ્યું, 'જુઓ, આ તસવીર બનાવનાર એક હિન્દુસ્તાનનો દીકરો અને એક પાકિસ્તાનની દીકરી છે.' આ તસવીર જોઈને વાજપેયી બહુ ખુશ થઈ ગયા હતા.

English summary
PM Modi's sister Qamar Mohsin Shaikh ties him rakhi, says he hasn't changed in 24 years
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X