Click it and Unblock the Notifications
Just In
-
દેશમાં વધી રહ્યા છે કોરોના દર્દી, 24 કલાકમાં 15940 નવા કેસ, સક્રિય દર્દીઓની સંખ્યા થઈ 91779 -
'દ્રૌપદી રાષ્ટ્રપતિ છે તો પાંડવ કોણ છે?', રામ ગોપાલ વર્માના નિવેદન પર થયો હોબાળો, હવે માફી માંગીને કહી આ વાત -
દહેજમાં ઉદ્યોગો માટે સ્થપાયો ડીસેલીનેશન પ્લાન્ટ, હવે દરિયાના પાણીને શુદ્ધ કરીને ઉપયોગમાં લેવાશે -
શ્રમ, કૌશલ્ય વિકાસ અને રોજગાર વિભાગ તેમજ જર્મની વચ્ચે MOU પર હસ્તાક્ષર
રાકેશ ટિકૈતને BKUમાંથી હાંકી કઢાયા, નરેશ ટિકૈતને પણ પ્રમુખ પદેથી હટાવાયા!
લખનઉ, 15 મે : ભારતીય કિસાન યુનિયન સાથે જોડાયેલા મોટા સમાચાર સામે આવ્યા છે. ખેડૂતોના આંદોલનનો મુખ્ય ચહેરો રહેલા રાકેશ ટિકૈતને ભારતીય કિસાન યુનિયનમાંથી બહારનો રસ્તો દેખાડવામાં આવ્યો છે. આ સિવાય તેમના ભાઈ નરેશ ટિકૈતને પણ પ્રમુખ પદ છીનવી લેવામાં આવ્યું છે. નરેશ ટિકૈતના સ્થાને રાજેશ સિંહ ચૌહાણને BKUના પ્રમુખ બનાવવામાં આવ્યા છે.
ભારતીય કિસાન યુનિયનના સ્થાપક સ્વર્ગસ્થ ચૌધરી મહેન્દ્ર સિંહ ટિકૈતની પુણ્યતિથિ નિમિત્તે લખનૌમાં સુગરકેન ઈન્સ્ટિટ્યૂટમાં BKU નેતાઓની એક મોટી બેઠક યોજાઈ હતી. બેઠકમાં રાકેશ ટિકૈતને પાર્ટીમાંથી હાંકી કાઢવામાં આવ્યા અને નરેશ ટિકૈતને અધ્યક્ષ પદેથી હટાવી દેવામાં આવ્યા છે. બંને ચૌધરી મહેન્દ્ર સિંહ ટિકૈતના પુત્રો સગા ભાઈઓ છે. રાષ્ટ્રીય ઉપાધ્યક્ષ રાજેશ સિંહ ચૌહાણના નેતૃત્વમાં નવી BKU (અરાજકીય) ની રચના કરવામાં આવી છે. રાજેશ સિંહ ચૌહાણને નવા રાષ્ટ્રીય અધ્યક્ષ બનાવવામાં આવ્યા છે.
BKUના રાષ્ટ્રીય અધ્યક્ષ બન્યા બાદ રાજેશ સિંહ ચૌહાણે લખનૌમાં પ્રેસ કોન્ફરન્સ કરી હતી. આ દરમિયાન તેમણે કહ્યું કે કારોબારીએ નક્કી કર્યું કે મૂળ ભારતીય કિસાન યુનિયન છે. હવે ભારતીય કિસાન યુનિયન (અરાજકીય) ની રચના કરવામાં આવી છે. તેમણે કહ્યું કે મારા 33 વર્ષ સંગઠનનો ઈતિહાસ છે. 13 મહિનાના આંદોલન પછી જ્યારે અમે ઘરે આવ્યા ત્યારે અમારા નેતા રાકેશ ટિકૈત રાજકીય રીતે પ્રેરિત દેખાયા. અમે જોયું કે અમારા નેતા કોઈક રાજકીય પક્ષના પ્રભાવમાં આવ્યા અને એક પક્ષ માટે પ્રચાર કરવાનો આદેશ પણ આપ્યો. મારું કામ રાજકારણ કરવાનું કે કોઈ પક્ષ માટે કામ કરવાનું નથી. મારું કામ ખેડૂતોની લડાઈ લડવાનું રહેશે. હું કોઈ વિવાદ ઉભો કરવા માંગતો નથી. આ એક નવી સંસ્થા છે.
અહેવાલો અનુસાર, રાકેશ ટિકૈત શુક્રવારથી લખનઉમાં રહીને ડેમેજ કંટ્રોલમાં વ્યસ્ત હતા. જો કે, તે સફળ થયા ન હતા. કહેવામાં આવી રહ્યું છે કે રાકેશ ટિકૈતને તેમના રાજકીય વિચારોના કારણે પાર્ટીમાંથી હાંકી કાઢવામાં આવ્યા છે. આ સંગઠનો હવે ખેડૂતોના મુદ્દાઓ છોડીને રાજકારણ તરફ જઈ રહ્યા હોવાનો ખેડૂત આગેવાનો નારાજ છે.
