• search
For Quick Alerts
ALLOW NOTIFICATIONS  
For Daily Alerts

'ખોટા દસ્તાવેજોથી 3.5 કરોડની જમીન 58 કરોડમાં વેંચી'

|

ચંદીગઢ, 11 ઑગસ્ટઃ કોંગ્રેસ અધ્યક્ષ સોનિયા ગાંધીના જમાઇ અને પ્રિયંકા ગાંધીના પતિ રોબર્ટ વાઢેરાએ ગુડગાંવમાં ખોટા દસ્તાવેજ થકી જમીનનો સોદો કર્યો છે. હરિયાણાના વરિષ્ઠ આઇએએસ અશોક ખેમકા એ રોબર્ટ વાઢેરાની ગુડગાંવના શિકોહપુરમાં સાડા ત્રણ એકર જમીનના સોદા મામલે બનાવેલી રિપોર્ટમાં આ વાત કરી છે. ખેમકા પોતાનો આ રિપોર્ટ હરિયાણા સરકારને 21 મેનો રોજ સોંપ્યો હતો.

આ જમીનના સોદાની તપાસ કર્યા બાદ આઇએએસ ખેમકાએ જમીનની રજીસ્ટ્રીને જ રદ કરી દીધી હતી. ખેમકાએ સરકાર દ્વારા રચિત તપાસ સમિતિને આપેલા જવાબમાં કહ્યું છે કે, આ ડીલ 58 કરોડ રૂપિયાની છે. રિપોર્ટમાં કહેવામાં આવ્યું છે કે, જો છેલ્લા આઠ વર્ષમાં હરિયાણાના તમામ જમીન ગોટાળાનો હિસાબ કરવામાં આવે તો આ ગોટાળો 20 હજારથી 3.5 લાખ કરોડ રૂપિયા હોઇ શકે છે.

ખેમકાએ 100 પેજનો રિપોર્ટ હરિયાણા સરકારે બનાવેલી ત્રણ સભ્યોની તપાસ સમિતિને સોંપી છે. નોંધનીય છે કે, વાઢેરા અને ડીએલએફ વચ્ચે થયેલી આ ડીલમાં ગોટાળાનો આરોપ લગાવવામાં આવ્યા બાદ સરકારે ઓક્ટોબર 2012માં તપાસ સમિતિની રચના કરી હતી. ખેમકાએ કહ્યું કે, વાઢેરાને કોંગ્રેસ અઘ્યક્ષ સોનિયા ગાંધીના જમાઇ હોવાના કારણે પ્રાથમિકતા આપવામાં આવી. હરિયાણા કેડરના વરિષ્ઠ આઇએએસ ખેમકાએ ગત વર્ષે આ ડીલમાં ગોટાળાનો આરોપ લગાવ્યો હતો.

English summary
Robert Vadra made crores from Gurgaon deal with fake papers says Khemka
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X