SCનો રાજકીય પક્ષોને નિર્દેશઃ ક્રિમિનલ રેકૉર્ડવાળા નેતાઓને ટિકિટ આપવાનુ કારણ વેબસાઈટ પર જણાવો

રાજનીતિમાં વધતી ગુનાખોરી સામે દાખલ અરજી પર સુપ્રીમ કોર્ટનો ચુકાદો આવી ચૂક્યો છે. કોર્ટે બધા રાજકીય દળોને નિર્દેશ આપ્યા છે કે તે દાગી ઉમેદવારોને ચૂંટણી ટિકિટ આપવાનુ કારણ જણાવે. આ ઉપરાંત કોર્ટે એ પણ આદેશ આપ્યા કે બધા પાર્ટીઓએ પોતાના ઉમેદવારોના ક્રિમિનલ રેકૉર્ડ વેબસાઈટ પર અપલોડ કરવાના રહેશે.

તમને જણાવી દઈએ કે સુપ્રીમ કોર્ટે એ નક્કી કરવાનુ હતુ કે શું રાજકીય દળોએ આવા લોકોને ચૂંટણી ટિકિટ આપવાથી રોકવાના નિર્દેશ આપી શકાય છે જેમની ગુનાહિત પૃષ્ઠભૂમિ હોય. ન્યાયમૂર્તિ રોહિંટન નરીમન અને એસ રવિન્દ્ર ભટની એક પીઠ દ્વારા અરજીઓ પર આદેશ આપવામાં આવ્યો. ઘણા અરજીકર્તાઓમાંથી ભાજપ નેતા અશ્વિની ઉપાધ્યાયે સુપ્રીમ કોર્ટમાંથી માંગ કરી છેકે કોર્ટ ચૂંટણી પંચને નિર્દેશ આપે કે તે રાજકીય દળો પર દબાણ નાખે કે રાજકીય દળ ગુનાહિત પૃષ્ઠભૂમિવાળા નેતાઓને ટિકિટ ન આપે. આમ થવા પર પંચ રાજકીય દળો સામે કાર્યવાહી કરે.

Supreme Court directs political parties to upload on their websites the reasons for selection of candidates with criminal antecedents. pic.twitter.com/WGibnBLvEJ

— ANI (@ANI) February 13, 2020

આ પહેલા સુપ્રીમ કોર્ટે રાજનીતિના અપરાધીકરણને ખતમ કરવા માટે ચૂંટણી પંચને એક અઠવાડિયામાં ફ્રેમવર્ક તૈયાર કરવાના નિર્દેશ આપ્યા હતા. જસ્ટીસ આર એફ નરીમન અને જસ્ટીસ રવિન્દ્ર ભટની બેંચે પંચને કહ્યુ હતુ, 'રાજનીતિમાં ગુનાના વર્ચસ્વને ખતમ કરવા માટે એક ફ્રેમવર્ક તૈયાર કરવામાં આવે.'