• search
For Quick Alerts
ALLOW NOTIFICATIONS  
For Daily Alerts

કોરોના વાયરસથી દેશમાં બીજુ મોત, દિલ્લીમાં 65 વર્ષીય મહિલાનુ નિધન

|

કોરોના વાયરસથી દેશમાં બીજુ મોત સામે આવ્યુ છે. દિલ્લીની આરએમએલ હોસ્પિટલમાં 65 વર્ષીય મહિલાનુ કોરોના વાયરસ સંક્રમણના કારણે મોત થઈ ગયુ છે. મહિલાનુ મોત રાતે 8 વાગે કોરોના વાયરસના કારણે દિલ્લીની આરએમએલ હોસ્પિટલમાં થયુ છે. મહિલાનો કોરોના વાયરસનો ટેસ્ટ થયો હતો કે જે પૉઝિટિવ આવ્યો હતો. તમને જણાવી દઈએ કે આ પહેલા દેશમાં કોરોના વાયરસથી મોતનો પહેલો કેસ કર્ણાટકના કલબુર્ગીમાં આવ્યો હતો. અહીં 76 વર્ષીય વૃદ્ધનુ કોરોના વાયરસના કારણે મોત થઈ ગયુ હતુ. આરોગ્ય સચિવ પ્રીતિ સૂડાને જણાવ્યુ કે કોરોના વાયરસના કારણે દેશમાં બીજુ મોત થયુ છે. 65 વર્ષીય મહિલાનુ દિલ્લીની હોસ્પિટલમાં નિધન થઈ ગયુ છે.

ઉલ્લેખનીય છે કે દેશમાં કોરોના વાયરસના શુક્રવાર સુધી 81 કેસોની પુષ્ટિ થઈ છે. આ 81 લોકોમાં 64 ભારતીય, 16 ઈટલીના અને એક કેનેડાથી આવ્યો છે. વળી, કોરોના વાયરસના પ્રભાવને જોતા બાંગ્લાદેશ સાથે બસ અને રેલસેવાને હાલમાં રદ કરી દેવામાં આવી છે. કોરોના વાયરસ પર કેન્દ્ર સરકારના આરોગ્ય અને વિદેશ મંત્રાલયના અધિકારીઓએ આ માહિતી આપી છે. આરોગ્ય મંત્રાલય તરફથી જણાવવામાં આવ્યુ છે કે દેશમાં કોરોનાના 81 કેસ સામે આવ્યા છે આમાંથી કેરળના 3 લોકોનો ઈલાજ બાદ રજા આપી દેવામાં આવી છે. સફદરગંજમાં ભરતી સાત દર્દી પણ સાજા થઈ ગયા છે.

દેશભરમાં કોરોના વાયરસના વધતા કેસોને જોતા લોકોમાં હાહાકાર મચેલો છે. આ દરમિયાન વાયરસથી બચાવના કારણે દેશમાં સેનિટાઈઝર અને માસ્કની માંગ અચાનક વધી ગઈ છે. સ્થિતિ એ છે કે ઘણા દુકાનદાર અને મેડીકલ સ્ટોર પર અનેક ગણી વધુ કિંમતે તે મળી રહ્યા છે. હવે કેન્દ્ર સરકારે મોટુ એલાન કરીને આનેજરૂરી વસ્તુ ઘોષિત કરી દીધી છે. ગ્રાહક બાબતો, ખાદ્ય અને સાર્વજનિક વિતરણ મંત્રાલયે માસ્ક (સર્જિકલ માસ્ક, N95) અને સેનિટાઈઝરને હાલ માટે જરૂરી વસ્તુઓની યાદીમાં નાખી દીધા છે.

આ પણ વાંચોઃ કોરોના વાયરસઃ ભારતમાં 81 કેસોની પુષ્ટિ, બાંગ્લાદેશ સાથે બસ-રેલ સેવા રદ

English summary
Second death due to Coronavirus in India in Delhi at RML hospital.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X