સલમાન અને રજનીકાંતની સાથે સોનમ ગુપ્તા પણ ગૂગલ લિસ્ટમાં
ભારતના લોકોએ ગૂગલ સૌથી વધારે કંઇ વસ્તુ સર્ચ કરી તેનું લિસ્ટ જાહેર થઇ ગયું છે. અને નવાઇની વાત એ છે કે તેમાં સોનમ ગુપ્તા પણ છે. આ અંગે વધુ વાંચો અહીં...
વર્ષ 2016ના ગૂગલ ભારતીય લોકોએ સૌથી વધુ શું સર્ચ કર્યું છે તે અંગે ગૂગલે જાહેરાત કરી છે. અને જે પરિણામો સામે આવ્યા છે તે ખરેખરમાં ચોંકવનારા છે. ગુગલ સર્ચની લિસ્ટમાં ટોપ 10 સૌથી વધુ સર્ચ કરાયેલી વસ્તુઓમાં 10માં નંબર બેંડમિન્ટન સિલ્વર ગર્લ પીવી સિંધુનું નામ આવ્યું છે. જેણે રિયોમાં ઓલમ્પિક સિલ્વર મેડલ જીતી ભારતની નામ રોશન કર્યું છે. તો નવમાં નંબર પર અનુરાગ કશ્યપની વિવાદીત ફિલ્મ ઉડતા પંજાબ છે.
આઠમાં નંબર પર ડોનાલ્ડ ટ્રંપનું નામ આવે છે જે અમેરિકા તો સાતમાં સ્થાને આઇપીએલ 2016 અને છઠ્ઠા નંબરે આઇફોન 7એ સ્થાન મેળવ્યું છે. પાંચમી નંબર પર રજનીકાંતની ફિલ્મ કબાલી છે અને ચોથા નંબર પર સલમાન ખાનની મેગાહિટ ફિલ્મ સુલ્તાન છે.ત્રીજા નંબર પર યૂરો 2016 અને બીજા નંબરે પોકિમેન ગેમ છે. તો પહેલા નંબર પર રિયો ઓલમ્પિક છે.
સોનમ ગુપ્તા
સૌથી નવાઇની વાત તો એ છે કે ટોપ ટ્રેન્ડિંગની યાદીમાં ત્રીજા નંબરે સોનમ ગુપ્તાનું નામ આવ્યું છે. નોંધનીય છે કે નોટબંધી નોટો પર સોનમ ગુપ્તા બેવફા છે તેવી નોટો ફરતી થઇ હતી. જે બાદ લોકો સોનમ ગુપ્તા કોણ છે તે ગૂગલ પર શોધી રહ્યા હતા. વધુમાં આ સર્ચમાં દિશા પટાનીનું પણ નામ આવ્યું છે.