• search
For Quick Alerts
ALLOW NOTIFICATIONS  
For Daily Alerts

નેવીના 3 અધિકારીઓની ધરપકડ, સંવેદનશીલ માહિતી લીક કરવાનો આરોપ!

By Desk
|
Google Oneindia Gujarati News

નવી દિલ્હી, 26 ઓક્ટોબર : સેન્ટ્રલ બ્યુરો ઑફ ઇન્વેસ્ટિગેશન (CBI) એ મંગળવારે કથિત રીતે સંવેદનશીલ માહિતી લીક કરવા બદલ ભારતીય નેવીના ત્રણ અધિકારીઓની ધરપકડ કરી છે. નેવીના અધિકારીઓ પર સબમરીન આધુનિકીકરણ પ્રોજેક્ટ સાથે જોડાયેલી સંવેદનશીલ માહિતી લીક કરવાનો આરોપ છે. ધરપકડ કરાયેલા આરોપીઓમાં નોકરી પર તૈનાત કમાન્ડર-રેન્કના અધિકારીનો પણ સમાવેશ થાય છે. બાકીના બે આરોપી અધિકારીઓ નિવૃત્ત થઈ ચુક્યા છે.

ઈન્ડિયા ટુડેના અહેવાલ મુજબ, સીબીઆઈની તપાસમાં એ વાત સામે આવી છે કે, સેવા આપતા નૌસેના અધિકારી અન્ય બે નિવૃત્ત અધિકારીઓને માહિતી લીક કરી રહ્યા હતા. ગુપ્તચર એજન્સીઓ ત્રણેય અધિકારીઓ પર લાંબા સમયથી નજર રાખી રહી હતી. સીબીઆઈએ તેની ગતિવિધિઓ પર નજર રાખી ગુપ્તચર એજન્સીઓ પાસેથી માહિતી મેળવ્યા બાદ ઓપરેશન શરૂ કર્યું હતું. એવું કહેવામાં આવી રહ્યું છે કે કાર્યકારી અધિકારી મુંબઈમાં તૈનાત હતા અને ત્યાંથી ધરપકડ કરવામાં આવી હતી. જો કે, સબમરીન સંબંધિત માહિતી દિલ્હીમાં લીક થઈ હતી.

આ દરમિયાન ભારતીય નૌસેનાએ પણ વાઈસ એડમિરલ હેઠળ આ મામલાની તપાસનો આદેશ આપ્યો છે, જેથી એ સામે આવી શકે કે માહિતી લીક થઈ છે તેને રોકવા માટે શું પગલાં લઈ શકાય. જણાવી દઈએ કે રશિયન મૂળની સબમરીનને ભારત અને વિદેશમાં રિપેર અને અપગ્રેડ કરવામાં આવી રહી છે. ભારતીય નૌકાદળ દેશની સુરક્ષાનો મુખ્ય આધાર રહ્યો છે. તાજેતરના સમયમાં સંરક્ષણ કર્મચારીઓને લગતી સંવેદનશીલ માહિતી લીક થવાના અનેક મામલા સામે આવ્યા છે. આ કેસમાં ધરપકડ કરાયેલ નેવી ઓફિસર માહિતી લીક કરવાના અન્ય કેસમાં ધરપકડ કરાયેલા લોકોમાં સૌથી સિનિયર હોઈ શકે છે.

English summary
Three Navy officers arrested, accused of leaking sensitive information
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X