• search
For Quick Alerts
ALLOW NOTIFICATIONS  
For Daily Alerts

અમિત શાહની ભવિષ્યવાણી પર ટીએમસી - આ બંગાળ છે, અહીં માઈન્ડ ગેમ નથી ચાલતી

|

કોલકત્તાઃ અમિત શાહના પહેલા તબક્કામાં પશ્ચિમ બંગાળમાં 30માંથી 26 સીટો જીતવાની ભવિષ્યવાણી પર તૃણમૂલ કોંગ્રેસે જોરદાર જવાબ આપ્યો છે. ટીએમસીએ કહ્યુ કે આ બંગાળ છે અને અહીં માઈન્ડ ગેમ નથી ચાલતી. પોતાનો આ ખેલ ગુજરાતના જીમખાનામાં અજમાવો. પશ્ચિમ બંગાળ અને આસામમાં થયેલ પહેલા તબક્કાના મતદાન બાદ અમિત શાહે રવિવારે કહ્યુ હતુ કે બંને રાજ્યોમાં સરકાર ભારે સંખ્યામાં સીટો જીતશે અને સરકાર બનાવશે.

શું કહ્યુ હતુ અમિત શાહે

અમિત શાહે વધુમાં કહ્યુ કે, 'મારી બૂથ લેવલના કાર્યકર્તાઓ અને પાર્ટી નેતાઓ સાથે વાતચીત થઈ છે જેના આધારે હું કહી શકુ છુ કે અમે બંગાળમાં પહેલા તબક્કામાં 30માંથી 26 સીટો જીતીશુ જ્યારે આસામમાં અમે 47 સીટોમાંથી 37 સીટો જીતીશુ.' તેમણે કહ્યુ કે ભાજપ બંગાળમાં 200થી વધુ સીટો જીતીને સરકાર બનાવશે.

શાહની ભવિષ્યવાણી પર ટીએમસીએ કર્યો પલટવાર

અમિત શાહની આ ભવિષ્યવાણી પર તૃણમૂલ કોંગ્રેસે પલટવાર કર્યો છે ટીએમસીના વરિષ્ઠ નેતા ડેરેક ઓ બ્રાયને આને ભાજપની માઈન્ડ ગેમ ગણાવી છે. તેમણે કહ્યુ કે, 'મોદી-શાહ,આ બંગાળ છે, અહીં માઈન્ડ ગેમ નથી ચાલતી. પોતાના આ સ્ટંટને ગુજરાત જિમખાનામાં જ કરો. આ બંગાળ છે. ખેલા હોબે.'

ઉલ્લેખનીય છે કે બંગાળમાં પહેલા તબક્કાની ચૂંટણી પૂરી થઈ ચૂકી છે અને 1 એપ્રિલે ત્યાં બીજા તબક્કા માટે મતદાન થવાનુ છે. બંને પાર્ટીઓ જોરદાર રીતે બીજા તબક્કાના ચૂંટણી પ્રચારમાં લાગી ગઈ છે. આજે ટીએમસી પ્રમુખ મમતા બેનર્જી નંદીગ્રામમાં રોડ શો કરશે. વળી, અમિત શાહ મંગળવારે પશ્ચિમ બંગાળમાં એક મેગા રોડ શો કરશે. મંગળવારે સાંજે બીજા તબક્કાના ચૂંટણી પ્રચારનો છેલ્લો દિવસ હશે. બંગાળમાં વિધાનસભાની 294 સીટો પર કુલ આઠ તબક્કામાં મતદાન થવાનુ છે.

Video: મથુરામાં લાખો લોકો આ રીતે મનાવી રહ્યા છે હોળી

English summary
TMC leader Derek O Brien on amit shah prediction - This is Bengal, mind games won’t work here.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X