Click it and Unblock the Notifications
Just In
-
દલિત વિદ્યાર્થીના મોતથી કોંગ્રેસના ધારાસભ્ય પાનાચંદ મેઘવાળ વ્યથિત, CM ગેહલોતને મોકલ્યું રાજીનામું -
કોરોનાની રસી હવે નાક દ્વારા આપી શકાશે, દેશની પ્રથમ નોઝલ વેક્સિનનું ટ્રાયલ પૂર્ણ -
સ્વતંત્રતા દિવસે ગુજરાત સરકારે કરી જાહેરાત, સરકારી કર્મચારીઓને મળશે આ મોટા લાભો -
જ્ઞાન ગુરુ ક્વિઝમાં 9921 વિજેતાને કુલ 1,51,66,700 જેટલી રકમ ઇનામમાં મળી
Don't Miss
-
Vivo V25 Pro ભારતમાં 17 ઓગસ્ટે થશે લોન્ચ, આટલી હોઈ શકે છે કિંમત -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
ઉદયપુર: NIAને સોંપાઇ કન્હૈયાલાલની હત્યાની તપાસ, ગૃહ મંત્રાલયે આપ્યા નિર્દેશ
રાજસ્થાનના ઉદયપુરમાં દરજીની દુકાનમાં ઘુસીને તેની ઘાતકી હત્યાની ઘટનાએ ખળભળાટ મચાવી દીધો છે. કેન્દ્રીય ગૃહ મંત્રાલયે આ મામલામાં જરૂરી તપાસની જવાબદારી નેશનલ ઈન્વેસ્ટિગેશન એજન્સી (NIA)ને સોંપી છે. ગૃહ મંત્રાલયના મુખ્યાલય દ્વારા આ માહિતી આપવામાં આવી છે. એવું કહેવામાં આવ્યું હતું કે, "મંત્રાલયે NIAને ગઈ કાલે રાજસ્થાનમાં કન્હૈયા લાલ તેલીની ઘાતકી હત્યાની તપાસ હાથમાં લેવાનો નિર્દેશ આપ્યો છે."
ટ્વિટમાં ગૃહ મંત્રાલય કાર્યાલય (HMO) એ પણ ઉલ્લેખ કર્યો છે કે "આ ઘટનામાં સામેલ કોઈપણ સંગઠન અને આંતરરાષ્ટ્રીય કડીઓની સંપૂર્ણ તપાસ કરવામાં આવશે." સુરક્ષા નિષ્ણાતો આ ઘટનામાં આતંકવાદી જોડાણની આશંકા વ્યક્ત કરી રહ્યા છે. તે જ સમયે, હત્યારાઓ દ્વારા સોશિયલ મીડિયા પર જાહેર કરવામાં આવેલા વિડિયોમાં એવું સંભળાય છે કે એક વ્યક્તિ વડા પ્રધાનને ખંજર વડે નિશાન બનાવવાની ધમકી આપી રહ્યો છે.
મંગળવારે ડેપ્યુટી ઈન્સ્પેક્ટર જનરલ (ડીઆઈજી) રેન્કના અધિકારી સહિત એનઆઈએની એક ટીમને ઉદયપુર લઈ જવામાં આવ્યા બાદ ગૃહ મંત્રાલય દ્વારા આ પગલું લેવામાં આવ્યું છે. સરકારી સૂત્રોના જણાવ્યા અનુસાર, NIAની ટીમ ગેરકાનૂની પ્રવૃત્તિઓ (પ્રિવેન્શન) એક્ટની જોગવાઈઓ હેઠળ કેસ નોંધશે.
બીજી તરફ આ ઘટના બાદથી સરકારે સમગ્ર રાજસ્થાનમાં ઈન્ટરનેટ સેવા સ્થગિત કરી દીધી છે. આ સાથે જ કલમ-144 લાગુ કરવામાં આવી છે. હિંસાની સંભાવનાને જોતા ઉદયપુરમાં કર્ફ્યુ લાદી દેવામાં આવ્યો છે.
ઉદયપુરના એસપી મનોજ કુમારે કહ્યું છે કે બંને આરોપીઓને કસ્ટડીમાં લેવામાં આવ્યા છે અને કાયદો અને વ્યવસ્થાની સ્થિતિ નિયંત્રણમાં છે. "ગઈકાલે કેટલાક લોકો બહાર આવીને પોતાનો ગુસ્સો બતાવવાનો પ્રયાસ કરી રહ્યા હતા, પરંતુ તેઓને કાબૂમાં લેવામાં આવ્યા હતા. સાથે જ આસપાસના વિસ્તારોમાં પણ કર્ફ્યુ લાદવામાં આવ્યો છે."
દળોની ગતિશીલતા વધારવા અને અધિકારીઓને જમીન પર રાખવા માટે તમામ એસપી અને આઈજીને રાજ્યવ્યાપી ચેતવણી પણ જારી કરવામાં આવી છે.
તમને જણાવી દઈએ કે ઉપરોક્ત ઘટના ઉદયપુરના માલદાસ વિસ્તારની છે. પોલીસે જણાવ્યું કે દરજીની ઘાતકી હત્યાના આરોપીઓ ઝડપાઈ ગયા છે. જેમણે સોશિયલ મીડિયા પર એક વીડિયો પોસ્ટ કર્યો હતો જેમાં દાવો કરવામાં આવ્યો હતો કે કન્હૈયાલાલનું માથું કાપી નાખવામાં આવ્યું હતું અને વડાપ્રધાન નરેન્દ્ર મોદીને મારી નાખવાની ધમકી પણ આપી હતી.
