નવા સ્માર્ટ સીટીના લિસ્ટમાં જોડાયું રાજકોટ, દાહોદ સમેત આ શહેર...
ગુજરાતના ત્રણ શહેરોના નામ નવા જાહેર કરાયેલા સ્માર્ટ સીટીની લિસ્ટમાં આવ્યા છે. આ અંગે વિગતવાર જાણો અહીં.
કેન્દ્ર સરકાર દ્વારા સ્માર્ટ સીટીનું ત્રીજું લીસ્ટ જાહેર કરવામાં આવ્યું છે. આ લીસ્ટમાં ગુજરાતના ત્રણ શહેરાના નામ પણ જોડવામાં આવ્યા છે. આમ અમદાવાદ, સુરત અને વડોદરા પછી રાજકોટ, દાહોદ અને ગાંધીનગરને પણ સ્માર્ટ સીટીનો હોદ્દો મળ્યો છે. અને તેને આ રીતે વિકસાવવામાં આવશે. ઉલ્લેખનીય છે કે સ્માર્ટ સિટીના આ લિસ્ટમાં 90 શહેરોને સામેલ કરવામાં આવ્યા છે. કેન્દ્રીય શહેરી વિકાસ મંત્રી વેંકૈયા નાયડૂએ આ લિસ્ટ જાહેર કરતા કહ્યું છે કે તેમાં રાજકોટ, તિરુવનંતપુરમ, અમરાવતી, પટના અને શ્રીનગરને પણ સામેલ કરવામાં આવ્યું છે.
કેરળની રાજધાની
આ લિસ્ટમાં કેરળની રાજધાની તિરુવનંતપુરમને મુખ્ય સ્થાન આપવામાં આવ્યું છે. જમ્મુ કાશ્મીરની પણ બંન્ને રાજધાની જમ્મુ અને શ્રીનગરને આ લિસ્ટમાં જોડવામાં આવી છે. ઉલ્લેખનીય છે કે, આ તમામ 30 શહેરોમાં કુલ 57393 કરોડ રૂપિયાનું રોકાણ કરવામાં આવશે અને તેને સ્માર્ટ સીટી બનાવવામાં આવશે. આ સાથે જ સ્માર્ટ સીટીની સંખ્યા હવે 90 સુધી પહોંચી છે. ત્યારે આ નવા લિસ્ટમાં કયા 30 શહેરોને જોડવામાં આવ્યા છે જાણો અહીં...
- તિરુવનંતપુરમ
- નયા રાયપુર
- રાજકોટ
- અમરાવતી
- પટના
- કરીમનગર
- મુઝફ્ફરપુર
- પોન્ડીચેરી
- ગાંધીનગર
- શ્રીનગર
- સાગર
- કર્નાલ
- સતના
- બેંગલુરુ
- શિમલા
- દેહરાધૂન
- તિરુપુર
- પિંપરી ચિંચવાડ
- બિલાસપુર
- પાસીઘાટ
- જમ્મુ
- દાહોદ
- તિરુનેલવેલી
- થુટુકુડી
- ત્રિચિરાપલ્લી
- ઝાંસી
- એઝવલ
- ઇલ્હાબાદ
- અલીગઢ
- ગંગટોક