અમેરિકાએ મહિલાઓને કટ્ટરપંથીઓને ભરોશે છોડી દીધી:જાવેદ અખ્તર અને શબાના આઝમી

તાલિબાને અફઘાનિસ્તાન પર કબજો કર્યો ત્યારથી સમગ્ર દેશમાં ગભરાટનું વાતાવરણ છે. રાષ્ટ્રપતિ અશરફ ગનીએ દેશ છોડી દીધો છે અને અન્ય નેતાઓ પોતાનો જીવ બચાવવા અન્ય દેશોમાં શરણ લઈ રહ્યા છે. જે તસવીરો બહાર આવી રહી છે, તેનાથી અંદાજ લગાવી શકાય છે કે ત્યાં પરિસ્થિતિ કેટલી હદે ખરાબ છે. દેશ અને વિદેશમાંથી અફઘાનિસ્તાનની પરિસ્થિતિ પર પ્રતિક્રિયા ચાલુ છે. પ્રખ્યાત કવિ-ગીતકાર જાવેદ અખ્તર અને તેની પત્ની લોકપ્રિય અભિનેત્રી શબાના આઝમીએ પણ આ સમગ્ર મામલે પ્રતિક્રિયા આપી છે.

આ ઘટના ક્રૂરતા તરફ ઈશારો કરે છે

શબાના આઝમીએ ટ્વિટ કર્યું હતું કે ઈતિહાસ આપણને શીખવે છે કે કટ્ટરવાદીઓએ પહેલા ધર્મની આડમાં સંસ્કૃતિ પર હુમલો કર્યો હતો. યાદ રાખો કે તાલિબાનોએ 6 મી સદીમાં બામિયાનનો નાશ કર્યો હતો. આ ક્રૂરતા તરફ નિર્દેશ કરે છે.

પશ્ચિમી દેશો પર શરમ આવે છે:જાવેદ અખ્તર

તો જાવેદ અખ્તરે પોતાના ટ્વિટમાં અમેરિકા પર નિશાન સાધતા કહ્યું કે, 'અમેરિકા કેવી મહાસત્તા છે, તાલિબાન તરીકે ઓળખાતા આ બર્બર લોકોને નાબૂદ કરી શક્યુ નથી. આ કેવી દુનિયા છે જેણે અફઘાન મહિલાઓને કટ્ટરવાદીઓના હવાલે છોડી દીધી છે. માનવ અધિકારોના રક્ષક હોવાનો દાવો કરનારા તમામ પશ્ચિમી દેશો પર શરમ આવે છે.

જાવેદ અખ્તરે યોગ્ય જવાબ આપ્યો

જાવેદ અખ્તરનું આ ટ્વીટ સોશિયલ મીડિયા પર વાયરલ થઈ રહ્યું છે, જેના પર ઘણા લોકો પ્રતિક્રિયા આપી રહ્યા છે. આવા જ એક યુઝરે અખ્તરના ટ્વિટ પર કંઈક એવુ લખ્યું કે જેના પર જાવેદ અખ્તર ગુસ્સે થયા અને યોગ્ય વળતો જવાબ પણ આપ્યો.

અફઘાન મહિલાઓ કાશ્મીર અને પેલેસ્ટાઇનની મહિલાઓથી અલગ છે?

વાસ્તવમાં IAK નામના યુઝરે લખ્યું કે @Javedakhtarjadu જવાબ આપો, અફઘાન મહિલાઓ કાશ્મીર અને પેલેસ્ટાઇનની મહિલાઓથી કેવી રીતે અલગ છે? શું તેના પર ઉગ્રવાદીઓ દ્વારા ક્રૂરતા નથી કરાઈ? કાશ્મીર અને પેલેસ્ટાઇનમાં ઉગ્રવાદીઓએ મહિલાઓ અને બાળકો પર દયા દાખવી છે? શું તમે પેલેટ ગનથી ગોળીઓ મારતા બાળકો અને મહિલાઓનો વીડિયો નથી જોયા?

English summary

US leaves women to rely on radicals: Javed Akhtar and Shabana Azmi