Get Updates
Get notified of breaking news, exclusive insights, and must-see stories!

મણિપુરમાં ફરી હિંસા, બિષ્ણુપુરમાં અસામાજિક તત્વોએ 4 ઘર સળગાવ્યા

મણિપુરમાં હિંસા અટકવાનું નામ નથી લઈ રહી. કર્ફ્યુ હોવા છતા મણિપુરમાં, બુધવારે (24 મે) ના રોજ બિષ્ણુપુર જિલ્લામાં અલગ-અલગ ઘટનાઓમાં એક વ્યક્તિનું મોત થયું હતું અને અન્ય બે ઘાયલ થયા હતા. અહેવાલો અનુસાર, કેટલાક અસામાજિક તત્વોએ 4 ઘરોને આગ ચાંપી દીધી હતી. આ ઘટના 23 મેના રોજ થયેલી આગચંપીના જવાબમાં કરવામાં આવી હતી.

Manipur

આ પહેલા મંગળવારે મોડી રાત્રે બિષ્ણુપુરના ફૌબકચાઓમાં એક સમુદાયના કેટલાક લોકોએ 3 ઘરોને આગ લગાવી દીધી હતી. જે બાદ અન્ય સમુદાયના લોકોએ તે હિંસાના જવાબમાં વધુ 4 ઘરોને આગ ચાંપી દીધી હતી. આ ઘટનામાં એક વ્યક્તિનું મોત થયું છે. જ્યારે 2 ગંભીર રીતે ઘાયલ થયા હતા.

બીજી તરફ કોંગ્રેસે મણિપુરની સ્થિતિ પર ભાજપ સરકાર પર નિશાન સાધ્યું છે. કોંગ્રેસ નેતા અજય કુમારે આરોપ લગાવ્યો કે 5 મેથી ઈમ્ફાલ હોસ્પિટલના શબઘરમાં 70 મૃતદેહો પડ્યા છે. ચુરાચંદપુરના શબઘરમાં 18 મૃતદેહો પડ્યા છે, તેમને લેવા માટે કોઈ નથી. મણિપુરમાં આ સ્થિતિ છે.

હિંસક ઘટનાઓને ધ્યાનમાં રાખીને, જિલ્લા વહીવટીતંત્રે બિષ્ણુપુર, ઇમ્ફાલ પૂર્વ અને ઇમ્ફાલ પશ્ચિમ જિલ્લામાં કર્ફ્યુમાં છૂટછાટ રદ કરી છે. અગાઉ સવારે 5 વાગ્યાથી સાંજના 4 વાગ્યા સુધી કર્ફ્યુમાં રાહત આપવામાં આવી હતી.

તમને જણાવી દઈએ કે મણિપુરમાં 3 મેથી હિંસા ફાટી નીકળી છે, જે હજુ પણ ચાલુ છે. જો કે અનિશ્ચિત સમય માટે કર્ફ્યુ લાદવામાં આવ્યો હતો અને ઇન્ટરનેટ સેવાઓ સ્થગિત કરવામાં આવી હતી, હિંસાના અહેવાલો સતત આવતા હતા.

રાજ્યમાં તંગદિલી પ્રવર્તી રહી હતી જ્યારે મેઇતેઇ સમુદાય લાંબા સમયથી અનુસૂચિત જનજાતિ (ST) દરજ્જા માટે આંદોલન કરી રહ્યો હતો. તેમની માંગના વિરોધમાં મણિપુરી વિદ્યાર્થી સંગઠન 'ઓલ ટ્રાઇબલ સ્ટુડન્ટ્સ યુનિયન ઓફ મણિપુર' (ATSUM)એ પણ એક સરઘસ કાઢ્યું હતું, જે બાદ વિવાદ શરૂ થયો હતો.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+
loader
X